بەلاڤکەرێ رۆژنامەیا هاتە خەلاتكرن
شاكر ئەتروشی:
ب بەرهەڤبوونا ئێحسان ئامێدی بەرپرسێ ناڤەندا خانی یا رەوشەنبیری و راگەهاندنێ و سەرنڤیسەر و سكرتێر و پتریا ئەندامێن رۆژنامەیا ئەڤرۆ، دوهی ئێڤاری 14/12/2024 ل بارەگایێ رۆژنامێ رۆژنامە فرۆشێ گەڕۆك (هەڤال عەلی) هاتە خەلاتكرن، ئەو ژی ژبەر رۆلێ وی یێ بەرچاڤ د فرۆتنا رۆژنامێ دا و دەستخۆشی لێ هاتنە كرن.
هەڤال عەلی مزیری، خەلكێ پارێزگەها دهۆكێ یە، كەسەكێ خودان پێدڤیێن تایبەتە، ژ دەستپێكا دامەزراندنا رۆژنامەیا ئەڤرۆ هەتا نوكە رۆژانە ل بازاڕ و فەرمانگەهێن میری ل دهۆكێ رۆژناما ئەڤرۆ دفرۆشیت و ئەو دبێژیت: ئەڤرۆ ئێك ژ رۆژنامەیێن گرنگە و ئەز زۆر حەزژێ دكەم و رۆژانە دخوینم، ل سالا 2003 هەتا نوكە ئەز رۆژنامەیا ئەڤرۆ دناڤ بازاڕی و هندەك رێڤەبەریێن میری ل دهۆكێ دفرۆشم، هەر چەندە پتریا هاتن و چوونا من ب پیانە، هەرچەندە كارەكێ ب زەحمەتە، بەلێ بۆ من خۆشە ژی، چنكو ئەز حەزژێ دكەم، بۆ زانین رۆژانە ل دەمژمێرحەفنی سپێدێ هەتا ئێڤاری دگەڕێم و دفرۆشم و پتریا خەلكێ دهۆكێ من دنیاسن و گەلەك رێزێ ل من دگرن و ئەڤ چەندە من دلخۆش دكەت.
