بەلگێ مێوێ بۆ قارەمانییا نێڤدەولەتی هاتە پەسەندكرن
قەیس وەیس:
د داخویانیەكێ دا سەرۆكێ فدراسیۆنا تیكۆنجتسۆ والسكی یا ئیراقێ ڕاگەهاند كو ب فەرمی فدراسیۆنا جیهانی دورشمێ بەلگەیا مێوێ كو گرێدایی ب كەلتۆرێ پارێزگەها دهۆكێ ڤەیە پەسەند كر ژبۆ دانانا وێ دناڤ لۆگۆیێ تایبەت یێ قارەمانییا نێڤدەلوەتی ئەوا بڕیارە قارەمانی ل حەفتییا بهێت باژێرێ دهۆكێ مێڤاندارییا وێ بكەت.
زێدەتر مەحمود ئیبراهیم عەلی گۆت: پشتی پێشنیارا دانانا لۆگۆیێ نوو بۆ قارەمانییا نێڤدەولەتی هاتییە هنارتن ب فەرمی فدراسیۆنا جیهانی رازیبوویە، ئەوا بڕیارە قارەمانی ل 11ێ هەتا 15ێ ڤێ مەهێ باژێرێ دهۆكێ مێڤاندارییا وێ بكەت و 25 وەلاتێن ئاسیا، ئەفریقیا و ئۆرۆپا دێ پشكداربن و دبیتە جارا ئێكێ ل سەر ئاستێ كوردستانێ و ئیراقێ ئەڤ قارەمانییە دهێتە كرن.
هەروەسان ناڤهاتی گۆت: د ناڤا لۆگۆیێ قارەمانیێ دا بەلگەكێ زەر تێدا دیارە ئەو ژی دروشمێ پارێزگەها دهۆكێ وەكو رێزگرتن بۆ ئەڤێ پارێزگەهێ كو مێڤاندارییا قارەمانیێ دێ كەت، هەروەسان دناڤ ئەوێ بەلگێ دا لڤینەكا یاریێ یت سویپ تێدایە كو لڤینیا یارییا تیكۆنجتسۆ یە، هەروەسان ل دەوروبەرێ لۆگۆیێ ئالایێن ئەوان وەلاتێن پشكدارە ئەو ژی دبنە 25 وەلات، هەروەسان دناڤا بازنەیا لۆگۆیێ دا ناڤێ قارەمانیێ و ژڤان و جهێ وێ تێدا دیارە، پێنەڤێت گەشبینم ئەڤ قارەمانییە دێ یا سەركەفتی بیت ژبەركو ل جهەكێ ئارام و ژێرخانەیا وەرزشی و هەر تشتەكێ پێدڤی بۆ شاندێن پشكدار بەرهەڤە، هەروەسان پارێزگەها دهۆكێ هەردەم بوویە جهێ مێڤانداریكرنا قارەمانیێن مەزن لەوما ژی دبنم ئەڤ قارەمانییە دێ یا سەركەفتی بیت، سۆپاسییا بەرپرسێن حوكمی و بەرپرسێن وەرزشی ل دەڤەرێ دكەم پشتەڤانێن مە بووینە و ئەڤە ژی خالا سەركەفتنێ یە.
