بەهجەت یەحیا مژوولی تۆماركرنا بەرهەمەكێ نوو یە
سترانبێژ بەهجەت یەحیا، پشتی سترانا خوە یا بناڤێ (فەفری زەمانە) بەلاڤكری، نوكە ل ڤینۆ ستودیۆ مژوولی تۆماركرنا بەرهەمەكێ نوو یە بناڤێ (كەشێكی روحانی) كو ژ پەیڤ و ئاوازێن وی بخوەیە و (ئارام سەردار) ب كارێ بەلاڤكرنا مۆزیكێ رابوویە.
هونەرمەندێ ناڤهاتی دیار كر كو ل گەل بەلاڤبوونا هەر سترانەكا نوو یا كو ئەو بەلاڤ دكەت دبێژیت ئەڤە دووماهی بەرهەمە ئەو بەلاڤ دكەت، بەلێ ژ بەر
حەز ژێكەرێن دەنگێ خوە وی نەڤێت ببیتە بیابانەكا هشك دەستان ژ
كارێ هونەری بەردەت و بۆ كوردستان24 گۆت: «پشتەڤانیا حەز ژێكەرێن دەنگێ من بۆ من هێزەكا دی ددەتە من بۆ وێ چەندێ كو كارێن باشتر و جوانترێن هونەری پێشكێشی وان بكەم».
ناڤهاتی خویا كر كو كەشێكی روحانی، دێ بیتە نووترین بەرهەمێ وی و پشتی تۆماركرنا ڤی بەرهەمی دێ ب شێوەیێ ڤیدیۆكلیپ هێتە كەنالێن ئاسمانی بەلاڤكرن.
