بەهرا دهۆکێ ژ پانزینا سامانێن سروشتی هاتـە زیدەکـرن
هەرهین محەمەد:
رێڤەبەرێ نەفت و كانزایان ل پارێزگەها دهۆكێ دیاركر، پانزینا سامانێ سروشتی ژ بۆ ڤێ مەهێ زێدەبوویە و ل سەرانسەری پارێزگەها دهۆكێ و ل گەل ئیدارەیا سەربخۆ یا زاخۆ رۆژانە ل 12 پانزینخانەیان پانزین دێ هێتە بەلاڤكرن.
كارزان رەئوف، رێڤەبەرێ نەفت و كانزایان بۆ ئەڤرۆ گۆت: «پلانا وەزارەتا سامانێن سروشتی ئەو بوو، د مەها شواتێ دا پانزینا حكومی زێدە بكەت، ل مەها بۆری بۆ مە 216 هزار لێترێن پانزینێ دهاتن، لێ نوكە دوجاركی زێدەبوویە و پتری 430 هزار لێتر دگەهنە پارێزگەها دهۆكێ، مەرەم ژێ ئەوە هژمارەكا مەزن یا وەلاتیا ژێ مفادار ببن و نوكە پتریا شۆفێران ئەوێ بۆ ترۆمبێلان بكار دئینن، لەو ئەم پێشبینی دكەین كارتێكرنێ ل سەر بهایێ پانزینا بازرگانی بكەت».
گۆتژی: «بابەتێ كوالیتیێ گەلەك یێ گرنگە، نوكە كوالیتیا پانزینا حكومی گەلەكا باشە و رۆژا دووڤچوونا كوالیتیا پانزینێ ب گشتی دهێتە كرن».
