بەهمەن قوبادی ژنەكا ئەمریكی ژ مرنێ رزگاركر
زنار تۆڤی:
سینەماكار و دەرهێنەرێ كورد (بەهمەنێ قوبادی) رۆژا شەمبی رێكەفتی شازدەی ڤێ هەیڤێ دەمێ ژ فرۆكخانەیا ئیستەمبۆلێ دا بەر ب وەلاتێ ئەمریكا ڤە چیت، ژنەكا گەنجا ئەمریكی د فرۆكێ دا ب رێیا ڤەژاندنا دلی ژمرنێ رزگاركر.
زۆزان، ئێك ژ گەشتیارێن دناڤ وێ فرۆكێ دا بوو، بۆ رۆژناما ئەڤرۆ گۆت: ژیێ وێ ژنا ئەمریكی (32) سال بوون دگەل هەڤژین و دو زارۆكێن خوە دا زڤڕنە ئەمریكا ل ویلایەتا خوە (لۆس ئەنجلۆس) ئەو ژن دا چیتە جهێ دەستئاڤێ لێ بەری بگەهیت دلێ وێ دبۆریت و د كەڤیت، ل وی دەمی بەهمەن دبینیت و ئێكسەر د هاوارا وێ دچیت و بزاڤێ دكەت دگەل باخڤیت، لێ چو لڤین نەبوون، لەورا داخوازا هاوار هاتنا بلەز بۆ دكەت و ب رێیا هەناسەیا دەستكرد ئەو ژن ژمرنێ رزگار دبیت و كاپتنێ فرۆكێ ژی سوپاسیا بەهمەنی كر و گۆت رەوشا ڤێ ژنێ یا خراب بوو هەكە زوو ئاگەهداریا مە نەكربا و چەند چركەیێن دی گیرۆببا دا ئەڤ ژنە مریت.
