بەژن كورتترین زەلام ل جیهانێ بۆ كارەكی نوكە یێ ل هەولێری
سولین سلێمان:
بەژن كورترین زەلام ل جیهانێ، نوكە یێ ل هەولێرێ و مژوولی وێنەكرنا فلمەكێ سینەمای یە وهیڤیا وی ئەوە ل پاشەرۆژێ ببیتە ئەكتەرەكێ ناڤدار.
ئەفشین قادر زادە، كو خەلكێ رۆژهەلاتێ كوردستانێ یە ل گوندێ (خورخۆری) ل بۆكان دژیت و هەر ل وێرێ ژدایكبوویە، د دیدارەكێ دا بۆ رۆژناما ئەڤرۆ گۆت: ژیێ من بیست و دو سالن، بەژنا من ژی (64) سەنتیمەترن، ل سالا 2021 ناڤێ من چوویە د پرتووكا گێنس دا وەك بەژن كورترین زەلام ل جیهانێ، مەرەم ژ هاتنا من بۆ هەرێما كوردستانێ ب تایبەت ژی پارێزگەها هەولێرێ بۆ تۆماركرنا فلمەكی یە ب ناڤێ (ئایفۆن 14) كو رۆلێ سەرەكی یێ منە، ئەز گەلەكێ دلخۆشم بڤێ پشكداریێ و هیڤی خوازم ل پاشەرۆژێ بشێم ببمە ئەكتەرەكێ ناڤدار د بوارێ سینەمایێ دا و دایك و بابێ من ژی گەلەك پشتەڤانیا من دكەن.
