ب ئارمانجا قه‌ربووكرنێ زاخۆ دێ مێڤانداریا نه‌جه‌ف كه‌ت
ئه‌ڤرۆ،
چاڤه‌ڕێ یه ئه‌ڤرۆ هه‌ردو نوونه‌رێن هه‌رێما كوردستانێ تیما یانا زاخۆ و هه‌ولێر یاریێن خوه ژ گه‌ڕا شه‌شێ یا خولا پلا نایابا ئیراقێ یا ته‌پا پێی د ناڤ ئه‌رد و جه‌ماوه‌رێ خوه دا مێڤانداریا یانێن نه‌جه‌ف و ته‌له‌به بكه‌ن.
ل ده‌مژمێر سێ ئێڤاری كوڕێن خابووری ب ئارمانجا سه‌ركه‌فتنا چارێ و قه‌ره‌بوویا خوساره‌تیا یاریا بوری بكه‌ن و به‌رده‌وامیا هه‌ڤڕكیێ بۆ رێزێن پێشیێ ده‌مێ مێڤانداریا یانا نه‌جه‌ف دكه‌ت، زاخۆ ب ده‌ه خالان رێزا شه‌شێ دهێت دێ ب چه‌كێ جه‌ماوه‌رێ خوه هێته دناڤ یاریگه‌هێ دا و قه‌ربوویا سێ خالێن گه‌ڕا بوری ده‌مێ ل گه‌ل یانا شورته ب سێ گۆلان به‌رامبه‌ر دو گۆلان تووشی خوساره‌تیێ بووی، مێڤانا وێ نه‌جه‌ف رێزا 12ێ دهێت ب پێنج خالان، ژلایێ خوه‌ڤه یانا هه‌ولێرێ د نه‌خووشترین كاودان دا ده‌رباز دكه‌ت كو سه‌رجه‌مێ پێنچ یاریا سێ وه‌كهه‌ڤی و دو خوساره‌تی ئیناینه دێ هه‌موو بزاڤا كه‌ت ل یاریگه‌ها خوه شه‌هید فرانسۆ حه‌ریری ڤه‌گه‌ڕیێته دناڤ هه‌ڤڕكیان دا ده‌مێ مێڤانداریا یانا ته‌له‌به یا به‌غدایی دكه‌ت، كوڕێن كه‌لهه و مناره رێزا 13ێ دهێت و چو بژارده نینه بتنێ بۆ سه‌ركه‌فتنێ دێ شه‌ڕی كه‌ت پێخه‌مه‌ت دووركه‌فتن ژ رێزێن دووماهیێ و به‌ره ب ده‌ستپێكه‌كا باش بچیت، ته‌له‌به ب 10 خالان رێزا پێنجێ دهێت، ئه‌ڤ یاریه دێ ل ده‌مژمێر 7:15 شه‌ڤ هێته ئه‌نجامدان.
بۆ زانین نه‌فت ئه‌لوه‌سه‌ت ب 15 خالان سه‌رێ لیستێ دهێت، شورته ب 13 خالان رێزا دویێ، جه‌ویه كێمتر خاله‌كێ رێزا سێیێ یه و نه‌فتا به‌سرا ب ده‌ه خالان رێزا چارێ دهێت.
