ب ئارمانجهكا جودا ئاكرێ دهست ب بهرههڤیان كر
ئهڤرۆ، رهمهزان زهكهریا
د داخویانیهكێ دا بهرپهرسێ راگههاندنا یانا ئاكرێ یا وهرزشی دیاركر بۆ وهرزێ نوو یێ خولا پلا نایابا كوردستانێ ههرزوو دهست ب بهرههڤیان كرینه و ئارمانجا وان دهستڤه ئینانا ئهنجامێن باشه نه بتنێ مانا خوه د خولێ دایه.
زێدهتر سوههیب عهلی گۆت: پشتی گرێبهستێن ل گهل راهێنهر مهحمود مهجید و هاریكارێ وی ههژار سابر ل ئێكشهمبیا بوری تیما مه یا تهپا پێی دهست ب خڕڤهبوون و یهكا خوه یا ئێكێ یا راهێنانێ ئهنجامدا خوه بهرههڤكرن بۆ وهرزێ نوو یێ خولا پلا نایاب كو دبیته تیما ئێكانه ههرزوو دهست ب راهێنانا بكهن ئهڤچهنده ژی ژبهر وێ یهكێ یه باشترین شێوه بهرههڤیا بكهین ب پلان و ئارمانجێن دهستڤه ئینانا ئهنجامێن باش د خولێ دا، ههموو یاریزانێن مه د بهرههڤن و ههكه ئهم پێدڤی ب یاریزانێن دهرڤهیی ههرێمێ و ئیراقێ بووین دێ بزاڤێ كهین بینینه دناڤ رێزێن تیما خوه دا ژبۆ سهركهفتنا پلانا هاتیه دانان.
ژلایهكێ دووڤه ناڤهاتی داخواز ژ ههموو جهێن پهیوهندیدار ب وهرزشێ و باژێرێ ئاكرێ كر پشتهڤانیا یانێ بكهن و ب ئێك دل بۆ ناڤێ باژێرێ خوه و سهركهفتنا كاروانێ وێ بكهن و گۆت: ههتا نوكه كهسهك هاتیه سهر هێل بۆ پشتهڤانیا یانێ لێ فهرمی نهبوویه و ئهم نهشێن دیاربكهین لێ دهمێ داهاتی ههر پێنگاڤهكا دهێته هاڤێتن دێ بۆ جهماوهرێ خوه دیاركهین.
