ب ئامادەبوونا د. سالار عوسمان بیرەوەریا شاعر و نڤیسەر مەجید ئاسنگەر هاتە ساخكرن
ب ئامادەبوونا هەژمارەكا بەرچاڤ ژ نڤیسەر، ڕۆژنامەڤان، شاعر، هونەرمەند و كەسایەتی و بەرپرسێن حكومی و حزبی و مالباتا وی، دەزگەهێ كەلتووری یێ یاد، ل هۆتێلا ئەربیلا نێڤدەولەتی (شیراتۆن)، ل باژێڕێ هەولێرا پایتەخت بیرەوەریا شاعر و نڤیسەر و پەروەردەكار و نیشتمانپەروەرێ كوردستانێ (مەجید ئاسنگەر) بلند ڕاگرت.
ل دەستپێكا رێورەسمان گوتارا دەزگەهێ كەلتووری یێ یاد ژ لایێ (ئاهورا كوردستانی) هاتە خواندن، پارشی دۆكیۆمێنتاریەك ل دۆر وێستگەهێن ژیانا (مەجید ئاسنگەر)، كو ل دۆر ژیاننامە و قووناغێن كارێ وی یێ ڕەوشەنبیری و سیاسی ب دیتنا هەڤال و دۆستێن وی پێشكێشی ئامادەبوویان هاتە كرن.
پاشی، گوتارا دەستەیا ئینسكلۆپیدیایا پارتی دیموكراتی كوردستان ژ لایێ (كەریم قادر)، هاتە خواندن و، گوتارا ئێكەتیا نڤیسەرێن كورد ژ لایێ (د. هیمداد حوسێن)، و گوتارا ئێكەتییا مامۆستایێن كوردستانێ ژ لایێ (ئەحمەد گەرمیانی)، هاتە خواندن.
دیسا كۆبەرهەمێ (مەجید ئاسنگەر)، كو هەشت بەرگە و دەربڕینێ ژ دیتن و هزرا مەجید ئاسنگەر دكەت، ژ لایێ (فازل شەوڕۆ)، خواندن و ناساندن بۆ هاتە كرن، تێدا ب هووری تیشك ئێخستە سەر ناڤەڕۆكا پرتووكان و پێنگاڤێن ب چاپ گەهاندنێ.
دیسا هەر د رێورەسمان دا، وەكو رێزلێنان، مەتالێ دەزگەهێ كەلتووری یێ یاد ژ لایێ نڤیسەر و شاعر (ڕێدار سابیر)، پێشكێشی مالباتا وی هاتە كرن، دەستكەگولێ رێز و وەفایێ یێ دەزگەهێ كەلتووری یێ یاد ژ لایێ (هێما سالار) پێشكێشی مالباتا وی هاتە كرن.
دیسا ژ لایێ پشكا رەوشەنبیری و راگەهاندنا پارتی دەستكەگولێن وەفاداریێ پێشكێی مالباتا وی هاتە كرن.
پاشی گوتارا مالباتا مەجید ئاسنگەر ژ لایێ د. بۆتان مەجید ئاسنگەر هاتە خواندن و سوپاسیا وان كر.
