ب ئامادەبوونا د. سالار عوسمان تەرمێ نڤیسەر (حوسێنێ كوردنەژاد) هاتە ڤەشارتن
ب ئامادەبوونا د. سالار عوسمان، بەرپرسێ پشكا ڕەوشەنبیری و ڕاگەهاندنا پارتی و هەڤالێن پشكێ و پارێزگارێ هەولێرێ و هەژمارەیەكا بەرپرسێن حزبی و حكومی و نڤیسەران، ڕەوشەنبیران، دۆست و مالبات و كەسوكارێن خودێ ژێ رازی، دوهی 16/12/2025 ب ڕێز و وەفاداری تەرمێ نڤیسەر و ڤەكۆلەر و تێكۆشەرێ ناسیار (حوسێنێ كوردنەژاد) ل گۆڕستانا ناڤداران ل پیرمام هاتە ڤەشارتن.
بەرپرسێ پشكا ڕەوشەنبیری و ڕاگەهاندنا پارتی د ڕێوڕەسمێن ڤەشارتنێ دا سەرەڕای دەربڕینا خەم كۆڤانان، پرسە و سەرەخۆشی ئاراستەی مالبات و كەسوكارێن سەربلندێن خودێ ژێ رازی كر و گولا وەفاداریێ ل سەر گۆڕێ خودێ ژێ رازی دانا.
هەژی گۆتنێ یە، نڤیسەر و تێكۆشەر «حوسێنێ كوردنەژاد»، ل ڕۆژا 12/12/2025 مالئاڤایی كربوو، دوهی د سەقایەكێ بەهیداریێ دا و ب ئامادەبوونا مالباتا وی و هەڤال و دۆستان ل پیرمام هاتە ڤەشارتن.
