ب ئامادەبوونا د. سالار عوسمان كۆڕەك ل دۆر ڕەوشا ڕۆژئاڤا هاتە گێڕان
پشكا ڕەوشەنبیری و ڕاگەهاندنا پ. د. ك ل پرتووكخانەیا پشكێ و ب ئامادەبوونا د. سالار عوسمان، بەرپرسێ پشكا ڕەوشەنبیری و ڕاگەهاندنا پ. د. ك، دوهی 11/2/2026 كۆڕەك ب ناڤونیشانێ «ڕەوشا ڕۆژئاڤا و خواندنەكا نوو» بۆ وەرگێڕ و ئەكادیمیست (د. جەلال ئەلعەبدوللا) سازكر.
دكتۆر سالار عوسمان، بەرپرسی پشكا ڕەوشەنبیری و ڕاگەهاندنیا پ. د. ك د پەیڤەكێ گۆت: «من دڤێت دەستخۆشیێ ل د. جەلال ئەلعەبدوللا بكەم، كو ئەكادیمیستەكێ دیارێ كوردستانێ یە، دەستەكێ بلند د زانستێ سیاسی و ب تایبەت د رەوشا ڕۆژئاڤا دا هەیە، دیسا بۆ مە وەكو روونشتڤانێن باشوورێ كوردستانێ خواندنا ڤێ پرتووكێ و گوهگرتن ل كەسانێن شارەزا یێن وەكو د. جەلال زۆر یا گرنگە».
د. سالار عوسمان گۆت ژی: «نابیت ڕۆلێ جەنابی سەرۆك بارزانی ل دۆر ڕوودانێن ڕۆژئاڤا ژبیر بكەین، نابیت ڕۆلێ هەرێما كوردستانێ، سەرۆكایەتیا هەرێمێ، حكومەتا هەرێما كوردستان و پارتی ژبیر بكەین، كو ڕۆلەكێ ئێكجار كاریگەر و ئەرێنی بوویە».
دیسا نڤیسەر د. جەلال ئەلعەبدوللا د كۆرێ خۆ دا بەحسێ دەستپێكا شۆڕەشا كوردێن ڕۆژئاڤایێ كوردستانێ و نەخشە و ئەتلەسێ ڕۆژئاڤایێ كوردستانێ بۆ ئامادەبوویان ڕۆهنكر و باس ل دووماهی گۆڕانكاریێن دەڤەرێ ژی كر.
ل دووماهیێ پرتووكا (پێشكەفتنا كۆمەلایەتی و سیاسی ل كوردستانا سووریا) یا نڤیسەر د. جەلال ئەلعەبدوللا ب ئیمزا نڤیسەری پێشكێشی ئامادەبوویان هاتە كرن.
