ب ئینانا راهێنەرەكێ سۆری ئاكرێ پلان بۆ هەڤڕكییا رێزێن پێشیێ دانایە
د داخویانیەكێ دا ئەندامێ كارگێریا یانەیا ئاكرێ یا وەرزشی دیار كر بۆ وەرزێ نوو یێ خولا پلا نایابا كوردستانێ ئەوان بەرنامە و پلان داناینە تیما تەپا پێی ب باشترین شێوە ژ وەرزێ بۆری بهێتە دناڤ خولێ دا و هەڤڕكیێ بۆ رێزێن پێشیێ بكەت و ئینانا راهێنەرێ پیشەكار و بزاڤێن گرێبەستێ دگەل یاریزانێن خودان شیان دەستپێكا پلانا یانەیێ یە.
زێدەترهۆزەڤان زاهد هەڤدەم سەرپەرشتێ تیما تەپا پێی بۆ رۆژنامەیا ئەڤرۆ گۆت: وەرزێ نوو یێ خولا پلا نایابا كوردستانێ دێ جۆدا بیت ژ وەرزێ بۆری ئەوا ل دووڤ پلانا مە ئەڤ چەندە ژی ب سۆپاسی ڤە پشتی سەرۆكێ حوكمەتا هەرێما كوردستانێ مەسرۆر بارزانی بەرهەڤییا خوە دیاركر ژبۆ پشتەڤانییا یانەیا مە، لەوما وەكو كارگێریا یانەیێ مە بڕیاردا باشترین شێوە و بهێز تیما خوە پشكداری خولێ بكەین، پێنگاڤا ئێكێ مە گرێبەست دگەل راهێنەرێ رەكەز سۆری یونس سلێمان ئیمزاكر، ئەوێ د دەمێ خوەدا یاریزانێ هەلبژارتیێ سوریا ل 2003هەتا 2008ێ بوو دیسان ل وەرزێ 2019-2020ێ راهێنەرێ یانەیا نەورۆز بوو ئەو دەمێ یانەیا وی ناسناڤێ خولێ ب دەستخوەڤە ئینایی، دیسان راهێنەرێ هەولێر، چەمچەمال، دەربەندیخان و كۆیە بوویە، ئانكۆ سەربۆر و شارەزاهییا هەیی د خولێ دا.
ژلایەكێ دووڤە ناڤهاتی دیار كر گرێبەستا كوڕێ باژێرێ ئاكرێ هەژار سابر وەكو هاریكارێ راهێنەری نوو كرەڤە و ئەڤچەندە ژی بۆ وێ یەكێ یە مفایی و شارەزاهیێ وەربگریت و د دەمەكێ دا ببیتە راهێنەرێ سەرەكی و گۆت: سەبارەت یاریزان ژی هەتا نوكە گرێبەست دگەل یاریزانێ هێلا ناڤین یێ یانەیا چەمچەمال رەدوان نەسرەددین هاتیە ئیمزاكرن و ئەم دگەل راهێنەرێ تیمێ دووڤچوونێ و پەیوەندیێ ب چەند یاریزانێن دی دكەین كو ل سەر ئاستەكێ باش بن و مفایی ژێ وەربگرین.
