ب ئەڤان سێ رێیان مالێن خوە گەرم بکەن
ئەڤرۆ نیوز، نەوزاد ھلۆری:
د وەرزێ زڤستانێ دا ژ بەر نزمبوونا پلەیێن گەرمایی، ھەموو کەس پێدڤی ب ئامیرێن گەرمکرنێ دبن، ئەڤجا چو ب رێیا کارەبێ بیت یان ژی گازێ، دا کو گیانەکێ سلامەت ھەبیت و خوە ب پارێزین، بەلێ ھنده‌ك جاران نەبوونا گازێ و کارەبێ دبیتە سەدەم کو گەرماتی ب دەست ھەموو کەسان نەکەڤیت یان ژی سنۆر دار ببیت.
بۆ دەربازبوون ژ ڤێ یەکێ یان سنووردارکرن و مفاوەرگرتن ژ ئەڤان خالێن ل خوارێ ھوون دشێن زورترین مفايی ژ ژ گەرماتیێ بۆ مالێن خوە وەربگرن خوە هه‌كه ئاميرێن گه‌رمكرنێ ژی نەبن.
ئێک: قەنەفە و دیوانێن مالا خوە ل بەرامبەر پەنجەرێن مالێ بدانە، دا کو دەما کو د ھندەک رۆژان تیشکێن رۆژێ دەربکەڤن گەرماتیێ بدەته وان قەنەفان، دیسا رەنگێن تاری و رەش و سوور ژی ل وان پەردە و قەنەفان بدە کو دکەڤنە بەرامبەر پەنجەرێ ژ بەر کو ئەڤ یەک دێ بیتە سەدەم کو گەرماتی بھێتە عه‌مباركرن.
دو: پێدڤی یە ھەر ئێک ژ مە دەرمانێن دژی رتۆبەتێ ل وان جھان بدەت ئەڤێن کو بەردەوام دھێنە ڤەکرن مینا دەرگەھێ سەرەکیێ مالێ، ژ بەر کو ئەڤ یەک ناھێلیت رتۆبەت د خانووى دا دروست ببیت.
سێ: پێدڤی یە ل دەما کو تیشکێن رۆژێ دەردکەڤن پەنجەرێن ژووران بھێنەڤەکرن دا کو ھەوایێ ژوور بھێتە گوھۆڕین و گەردیلەیێن ژوورێ ژ سار بۆ گەرم ب گوھۆڕیت ژ بەر کو رۆژ ب تنێ ب تیشکان گەرمایێ نادەت بەلکو ب گوھۆڕینا گەردیلەیان ژی گەرماتیێ ددەت.
