ب بزاڤێن فراكسیۆنا پارتی نەخۆشخانەیەكا پێشكەفتی ل ناحیا باشیكێ دهێتە چێكرن
دهۆك، دلۆڤان ئاكرەیی:
پێخەمەت خزمەتكرنا زێدەترا وەلاتیان د بیاڤێ ساخلەمیێ دا، ب بزاڤێن فراكسیۆنا پارتی ل پەڕلەمانێ ئیراقێ، د نوكە دا كار ل سەر نەخۆشخانەیەكا 100 تەختی ل ناحیا باشیكێ دهێتە كرن.
د. ئەحمەد نازم دوبەردانی، ئەندامێ جڤاتا پارێزگەها نەینەوا ژ فراكسیۆنا پارتی، بۆ رۆژنامەیا ئەڤرۆ دیاركر، پڕۆژەیێ نەخۆشخانەیا 100 تەختییا ناحیا باشیكێ و دەوروبەران، ل دووڤ ستاندارێن بلند و پێشكەفتی دهێتە دروستكرن و گۆت: «كار ل سەر ڤی پڕۆژەی بەردەوامە و هەتا نوكە ب رێژەیا 40% هاتیە بجهئینان».
گۆتژی: «ئەڤ پڕۆژەیێ گرنگ ب بزاڤێن پەرلەمانتار و ئەندامێن پارتی ل جڤاتا نووینەرێن ئیراقێ و جڤاتا پارێزگەها نەینەوا دهێتە بجهئینان».
ناحیا باشیكێ ژ دەڤەرێن ماددەیا 140یێن دەرڤەی ئیدارەیا هەرێما كوردستانێ و دكەڤیتە دەشتا نەینەوا ب دووراتیا 12 كیلۆمەتران ل باكوورێ ڕۆژهەلاتێ مووسل و ئاكنجیێن وێ ژ هەموو ئۆل و نەتەوەیانە.
