ب به‌لگه: نهێنيا به‌رنامێ رامز جه‌لال ئاشكه‌را بوو… هه‌موو فلمه و يا چێكريه
ئه‌ڤرۆ نيوز، نيوار محه‌مه‌د سه‌ليم:
رۆژناما “Hindustan Times” يا هندى ناڤه‌رۆكا به‌رنامێ “رامز تحت الأرض” ل گه‌ل ستێرا هندى شاروخان ئاشكه‌را كر كو پشتى ده‌نگويه‌كێ گه‌له‌ك مه‌زن ل وه‌لاتێن عه‌ره‌بى ڤه‌دايى.
ئه‌ڤێ رۆژنامێ ئاشكه‌را كريه كو شارۆخان به‌رى وى ده‌مى دزانى كو دێ كاره‌كێ وه‌سان ل گه‌ل هێته كرن و مه‌شق ژى ل سه‌ر وێ چه‌ندێ كربوو به‌رى بهێته وێنه‌كرن، “رامز جه‌لال نه‌شێت ستێران بێخيته د ناڤ ڤان ئاريشێن مه‌زن و ب دروستى دا، ژ به‌ر هندێ ژى ئاگه‌هدار دكه‌ت و مه‌شقێ ژى ل سه‌ر دكه‌ن”.
ئه‌ڤێ رۆژنامێ خۆيا ژى كريه كو ده‌ما سالا بۆرى ئه‌ڤ ئێكه ب سه‌رێ ستێرا جيهانى پاريس هيلتۆن ژى ئينايى، ئه‌وێ ب خوه ژى د زانى و به‌رى وێنه‌كرنێ هاتبوو مه‌شقدان. هه‌كه وه‌سان ژى نه‌بايه، دێ ئێكسه‌ر سكالايه‌كا قانوونى تۆماركه‌ت.
ئه‌ڤ رۆژنامه دبێژيت: “شارۆخان يێ ئارام بوو ده‌ما كه‌فتيه د وێ چالا ته‌قنێ دا، چ تشتێ كرى يێ مايه د ناڤ خيزى دا، هه‌تا ده‌ركه‌فتنا گيانه‌وه‌رێ بيابانێ يێ مه‌زن.
د سوپرايزا خوه دا، رۆژناما هندى دبێژيت: “ئه‌وان په‌يوه‌ندى ب رێڤه‌به‌رێ كارێن شارۆخان كربوو، ئه‌وێ ژ لايێ خوه ڤه ئاشكه‌را كرى كو ئه‌وان د زانى تشته‌كێ ژ وى ره‌نگى يێ هه‌ى و ل سه‌ر هاتبوو مه‌شقكرن به‌رى وێنه‌گرتنێ، وه‌سان ژى هاتبوو مه‌شقكرن كو وه‌سان خوه ديار بكه‌ت يێ ژ رامز تۆره‌يه”.
خه‌له‌كا ل گه‌ل شارۆخان گه‌له‌ك هاته ته‌ماشه‌كرن ب ره‌نگه‌كێ وه‌سان كو ئه‌وان ژى هزر نه‌دكر كو دێ هند هێته ديتن، هه‌كه چنه بيت دبيت ژ به‌ر هندێ بيت دا حه‌زژێكه‌رێن وى ل وه‌لاتێن عه‌ره‌بى بزانن كا دێ هه‌لويستێ وى چ بيت.
گه‌نگه‌شه‌كا مه‌زن ژى ل سه‌ر وێ چه‌ندێ هاته كرن كو شارۆخان نه‌ڤيا ل گه‌ل رامز جه‌لال پێك بهێت و نه‌ڤيا پێك بهێن و جهێ وێنه‌كرنێ هێلا و چو ئۆتێلێ، بێى كو ل گه‌ل رامز باخڤيت.
د سه‌ر هندێ را كو رامز گه‌له‌ك بزاڤ كرن كو پێك بهێن و كاودانان ل گه‌ل شارۆخان ئارام بكه‌ت، به‌رێ ئه‌و چوو و وه‌سان خوه دياركر كو يا ب سه‌رى هاتى قه‌بوول نه‌كريه.
چو ده‌مێ وه‌سان پێڤه نه‌چوو و رامز ڤيديۆيه‌ك به‌لاڤكر و هه‌ردو پێكڤه بوون، يا ديار بوو كو لهه‌ڤهاتنه‌ك يا هه‌يى و جه‌ماوه‌ر وه‌سان تێگه‌هشت كو يێن پشتى چووينه ئۆتێلێ يێن پێكهاتين.
راپۆرتێن رۆژنامه‌ڤانى ئاشكه‌را كرن كو شارۆخان ل هه‌مبه‌ر ڤى كارى 400 هزار دۆلار وه‌رگرتينه بۆ رازيبوون ل سه‌ر وى به‌رنامه‌ى، به‌لێ شارۆخان داخوازا 100 هزار دۆلارێن كرێ ژى كريه كو ئه‌ڤ ديدارا وى يا تله‌ڤزيۆنى ل 500 هزار دۆلاران د راوه‌ستيت.
به‌رنامێ “رامز تحت الأرض” رۆژانه ل كه‌نالێن MBC1 وMBCC مسر دهێته پێشكێشكرن.
بۆ ديتنا خه‌له‌كا ل گه‌ل شارۆخان ڤێره كليك بكه
