ب به‌نده‌كێ یاسایی دێ خوه ژ بایرنێ قورتلكه‌ت
ئه‌ڤرۆ،
سه‌رباری نه پشكداریا یاریزانێ پۆله‌ندی رۆبێرت لیڤاندۆڤێسكی د راهێنانێن یانا خوه بایرن میۆنخ یا ئه‌لمانی و رژدیا وی كو وه‌رزێ بهێت دێ ل گه‌ل یانا به‌رشه‌لۆنا یا ئسپانی یاریێ كه‌ت لێ یانا وی رازی نینه ژبه‌ركو گرێبه‌ستا وی هه‌تا دووماهیا وه‌رزێ 2023 یا به‌رده‌وام بیت لێ به‌نده‌كێ د یاسایا ئێكه‌تیا ته‌پا پێی یا فیفا دا هه‌یی مافێ د ده‌ته وی یانێ بجه بهێلیت.
لدووڤ رۆژناما بێلد یا ئه‌لمانی دیاركریه رۆبێرت لیڤاندۆڤێسكی ب ڕێیا پارێزه‌رێ خوه پشتبه‌ستنێ ل سه‌ر به‌ندێ 17ێ یێ یاسا ڤه‌گۆهاستنێن یاریزانا ل ئێكه‌تیا ته‌پا پێی یا جیهانی فیفا كو ماف دایه هه‌ر یاریزانه‌كێ پیشه‌كار و ره‌كه‌زناما وه‌لاته‌كێ دی و ژیێ وی ژ 28 سالیێ بوریت دشێت پشتی سێ سالان گرێبه‌ستا خوه ل گه‌ل ئه‌و یانا یاریێ بۆ دكه‌ت هه‌لوه‌شینیت ب مه‌رجه‌كی ئه‌و یانا دویێ گرێبه‌ستێ ل گه‌ل ئیمزادكه‌ت دڤێت ئه‌و ب دانا كۆژمه‌كێ پاره‌یی قه‌ره‌بوویا وێ یانا ئێكێ بكه‌ت و ئه‌و یانا پێگیریێ پێ نه‌كه‌ت دێ هێته سزادان، ئه‌ڤچه‌نده دێ بۆ به‌رشه‌لۆنا ژی بارگرانیه‌ك بیت ژبه‌ركو ئه‌و لایه‌نه‌كه بۆ ئیمزاكرنا گرێبه‌ستێ، له‌ورا دێ بزه‌حمه‌ت بیت هه‌تا بشێت گرێبه‌ستا لیڤاندۆڤێسكی ئیمزابكه‌ت، ژلایه‌كێ دووڤه یاسایی ماف دایه یانێ ژی ئه‌وا یاریزان داخوازا چوونێ دكه‌ت و مانگرتن د ده‌مێ راهێنانانێن تیما وی دا كربیت یانێ مافێ هه‌یی سكالایێ تۆماربكه‌ت ژبه‌ركو هێشتا گرێبه‌ستا یاریزانی یا مایی و دووماهی نه‌هاتیه.