ب بەرهەڤبوونا پارێزگارێ دهۆكێ جڤاتا پارێزگەهێ كۆمبوو
دەڤەردارێ ئاكرێ و رێڤەبەرێن ناوچەداریێن باعەدرێ و دارەتۆ هاتنە گوهۆڕین
جڤاتا پارێزگەها دهۆكێ دوهی 23/7/2023 ب بەرهەڤبوونا دكتۆر عەلی تەتەر، پارێزگارێ دهۆكێ ل دۆر دو تەوەران كۆمبوو.
د تەوەرێ ئێكێ دا ل گەل دكتۆر عەلی تەتەر، پارێزگارێ دهۆكێ بەحسێ رەوشا پڕۆژەیێن خزمەتگوزاری ل پارێزگەها دهۆكێ ب گشتی هاتە كرن، دیسا ل گەل سەرۆك و ئەندامێن جڤاتا پارێزگەهێ دكتۆر عەلی تەتەر، پارێزگارێ دهۆكێ بەحسێ ئەنجامێن سەرەدانا ڤێ دووماهیێ یا شاندێ پارێزگەهێ بۆ وەلاتێن ئەلمانیا و ئەمریكا و هەڤدیتنێن شاندی ل گەل بەرپرسێن هەردو وەلاتانهاتە كرن.
دیسا پارێزگارێ دهۆكێ ل گەل سەرۆك و ئەندامێن جڤاتا پارێزگەها دهۆكێ ئاماژە دا پڕۆژەیێن حوكمەتا هەرێما كوردستانێ ئەوێن ل هەموو دەڤەرداری و ناوچەداری و كۆمەلگەهـ و گوندان د هەمی بیاڤان دا دهێنە ئەنجامدان.
پاشی ئەندامێن جڤاتێ چەند پرسیار و پێشنیار ئاراستەی پارێزگارێ دهۆكێ كرن بۆ وێ یەكێ خزمەتا وەلاتیان پتر بهێتە كرن و بەرسڤا هەموو پسیار و بابەتان ژ لایێ پارێزگارێ دهۆكێ ب رۆهنی و ب بەرفرەهی هاتە دان.
ل دووماهیێ پارێزگارێ دهۆكێ و سەرۆكێ جڤاتا پارێزگەهێ تەكەز كرن، كو هەردو لایەن ب هەڤرا كاربكەن و ب باشترین شێوە خزمەتا خەلكێ پارێزگەهێ بكەن.
د تەوەرێ دویێ دا دەنگدان ل سەر گوهۆڕینا دەڤەردارێ ئاكرێ و رێڤەبەرێن هەردو ناوچەداریێن باعەدرێ و دارەتۆ هاتە كرن، ب 21 دەنگێن جڤاتا پارێزگەها دهۆكێ د. دلاوەر بوزۆ هەركی ل شوونا شەعبان خەلیل بەرواری بوو دەڤەردارێ ئاكرێ، دیسا تەحسین عسمەت قادر بوو رێڤەبەرێ ناچەداریا دارەتۆ و رێزان میرزا سەعید بوو رێڤەبەرێ ناوچەداریا باعەدرێ.
