ب تنێ پەرلەمانتارێن پارتی د شێن مافێن وەرزشڤانێن كوردستانێ بپارێزن
شاهۆ فەرید:
د بەردەوامییا پانگەشەیا هەلبژارتنان و پشتەڤانیێ بۆ لیستا 275ێ یانەیێن وەرزشی ژی بەردەوامن ل سەر پشتەڤانیێ بۆ پارتی دیموكراتی كوردستانی و ب گرنگی دا زانین هەموو كوردستانی بچنە سەر سندوقێن دەنگدانێ و دەنگی بدەنە لیستا پارتی،
ل دەستپێكێ داود رەبەن سەرۆكێ یانەیا سەنحاریب بۆ رۆژنامەیا ئەڤرۆ گۆت: وەكۆ ستافێ یانەیێ دگەل یاریزانان پالشتیا خوە بۆ لیستێ دیاردكەین، بەردەوام كاردكەین بۆ سەركەفتن و سەرئێخستنا لیستێ، ژبەركو بتنێ پەرلەمانتارێن پارتی دشێن مافێن وەرزشڤانان پارێزن، هەروەسان یانەیا سەنحاریب ب پشتەڤانییا پارتی شیاییە چەندین دەستكەڤتان بدەستڤە بینیت هەردەمێ مە داخوازا پشتەڤانیێ كربیت یا هاتییە دان، دووماهی جار بەری دو مەهان بوو دەمێ شیایی ببیتە قارەمانا ڤۆلی بۆلا ئیراقێ، لەوما ژی سەركەفتنا لیستا 275 سەركەڤتنە بۆ وەرزشا كوردستانێ، ئەم دخوازین ل رۆژا 11/11 هەموو وەرزشڤانێن پارێزگەها دهۆكێ قەستا سندوقێن دەنگدانێ بكەن و دەنگێ بدەنە لیستا پارتی دیمەكراتی كوردستان ژبۆ پاراستنا ماف و كەرامەتا خەلكێ كوردستانێ، هەر دەما پارتی سەربكەڤین وەكۆ وی ناسناڤی یە یێ ئەم دەستڤەدئنین، دخوازین هاریكاربن بەردەوام بۆ پالپشتا وەرزشی و پێشكەفتنا وێ پتر گرنگیێ دەنی.
ژلایەكێ دووڤە حەمید محەمەدتاهر جێگرێ سەرۆكێ یانەیا میدیا پارائۆلمپی گۆت: ئەم وەكۆ یانەیا میدیا پتری هەر یانەیەكێ و لایەنەكێ وەرزشی پالپشتیا لیستا 275 دكەین، ئێك دەنگ و هەمی هەستڤە دبێژین دێ لیستا پارتی دیموكراتی كوردستان یا سەرۆك بارزانی سەركەڤیت، ئەم جێوازین بۆ هەموو لایەنێن وەرزشێ، دخوازین پتر پالپشتی و هاریكاریا مە بهێتەكرن، ئەم بەردەوام كار دكەین ژبۆ سەرئێخستنا لیستا مە یا 275ێ، ئەگەر پارتی بهێز بیت وەرزشا مە دێ پێشكەڤیت، دخوازین ژ نوونەریێن دەربچن پتر رژدبن لسەر مافێ وەرزشڤانێن كوردستانێ و هاریكاریی بۆ وانا ژی مینا یێن ناڤەڕاست و باشۆرێ ئیراقێ دەستڤەبینن، رۆژا دەنگدانێ داخوازێ ژهەموو ئەندام و یاریزانێن خوە دكەم قەستا سندوقێن دەنگدانێ بكەن و رەنگێ زەر كنترۆل بكەن.
