ب تنێ دڤێت حه‌زێن وى تێر كه‌م
ئه‌ڤرۆ نيوز:
ژنەکا 30 سالی کو خودان دو زارۆیە و فەرمانبەرە بۆ گۆشا دلێ خوە ڤەکە دبێژیت: زەلامێ من قەت زەوقێ بۆ من چێناکەت، دگەل من کێم دەردکەڤیت، و چ جارا فەھم ناکەت من ببەتە گەشتەکێ یان تشتەکێ وەسا بکەت کو ئەز ھەست ب ڤیانا وی بکەم، دیسا چو گرنگیێ نادەتە مالێ و خوە ل کێماسیان ناکەتە خودان، بەلکو بتنێ یێ خوارنێ و ڤەخوارنێ و تێرکرنا حەزێن خوەیە. ئەز چ بکەم دا ئاریشە دناڤبەرا من و وی دا دروست نەبن، چاوا وەلێ بکەم گرنگیێ ب مال بدەت، بۆ زانین ئەم ب عەشق و ئەڤینی یێت گەھشتینە ئێک؟.
خانما ھێژا :
پروژێ پێک ئینانا خێزانێ پروژەکێ گرنگە و پێدڤی ب چاڤدان و دووڤچونا بەردەوامە ژلایێ ھەردو لایاڤە و نەخاسمە د ڤی دەمی دا و ژلایێ زەلامی ڤە، ژبەرکو ژیان رۆژانە ئالوزتر دبیت و پیتە دان پێدڤیتر لێ دھێت دەمێ زارۆک ھەبن، ئەڤجا دڤێت زەلامێ تە ل خوە بزڤریت و بێتە دناڤ کارێ ب رێڤەبرنا ئەکتیڤ یا خێزانێ و نابیت تو خوە بێ دەنگ بکەی، ژبەرکو نەبێدەنگیا تە لسەر وان کارا بێ گومان ئەو دێ لێ نیرینەکا دی کەت لسەر رولێ خوە و پێنگاڤ پێنگاڤ دێ ھێتە گۆھۆڕین و کێشە و ئاریشە دێ پەیدا بن و ژبو دور ئێخستنا وان ئاریشا و پەیداکرنا بەختەوەریا خێزانێ پێدڤیە ھوون ھەردو پێکڤە سەرکێشیا ڤی کاری بکەن چونکی ھەر درێغیەک ژلایێ ھەر ئێک ژھەوە دێ بیتە ئەگەرێ ھەلوەشاندنێ لەوا داخوازێ ژێ بکە برێکێن دبلوماسی و ب رێکا دیالوکێ کەشەکێ باش بو خێزانێ پەیدا بکەت و نەخاسمە بەرامبەر تە و زارۆیا.
پۆ په‌يوه‌نديكرنێ ب گۆشا دلێ خوه ڤه‌كه په‌يوه‌نديێ ب ڤێ ژمارا تله‌فۆنێ بكه: 07503404123
