ب حه‌بكێن خه‌وێ هه‌تا سپێدێ دنڤينيت
ده‌يكا حه‌فت زارۆيان كو سێ شه‌له‌لي نه و هه‌ڤژينێ وي دژيێ پيراتيێ دايه كو ب سه‌ر هه‌وي شووكريه، چيرۆكا خوه يا خوه قورتالكرنێ ژ شنگال بۆ چيايێ شنگال ڤه‌دگۆهێزيت و ئاماژه دكه‌ت وێ چه‌ندێ كو كوره‌كێ خوه هێلا بو و خه‌لكي بۆ قورتالكريه.
ژنه‌كا بناڤێ »نه‌سرين سلێمان« كو ئێكه ژ ئاوارێن شنگالێ كو نوكه ئاكنجي يا قوتابخانه‌كێ كو خودان حه‌فت زاروكه چار كور و سێ كچ، به‌لێ دو كچێن وێ د ژيێ » 13« ساليێ دا كورێ وێ »15« ساله د شه‌لي نه و سه‌ره‌ده‌ريكرن دگه‌ل گه‌له‌كا بزحمه‌ت و ئێك ژوان ب زنجيران گرێده‌ين هه‌تا نه ده‌ركه‌ڤيت، نه‌سرينێ چيروكا خوه ڤه‌گێرا و گۆت: ده‌مێ ئه‌م ژشنگالێ ره‌ڤين ده‌مژمێر »2« ي شه‌ڤ بۆ هه‌موو خه‌لكێ شنگالێ ب جاره‌كێ ره‌ڤين ژ ترسا دا و كه‌سێ خول كه‌سێ نه‌دكره خودان هه‌موو جيرانن مه ره‌ڤين هنده‌ك ب ترومبێلان و هنده‌ك ژي ب پيان ره‌ڤين و قه‌ستا چيايێ شنگالێ كرن به‌لێ زه‌لامێ من پيره‌مێر بۆ نه‌دشيا هاريكاريا من بكه‌ت هنده زاروێن مه‌يێن شه‌له‌لي راكه‌ت و بتنێ من زاروكه‌كێ خوه‌يێ بچوك هه‌لگرت و هنده‌ك ژي هه‌لبسكي ده‌واران ئانكو (كه‌ران) كرن زاروێن مه‌يێن شه‌له‌لي ژي مه ب زوري ب پيان ئينانه سه‌رجادێ به‌لێ ئێدي مه‌نه‌شيا زارويێ خوه‌يێ پازده سالي دگه‌ل خوه ب ره‌ڤينم و من هێلا ل به‌ر ليڤا جادێ و هه‌تا گه‌هشتينه چيايێ شنگالێ ب هاريكاريا هنده‌ك گه‌نجان كورێ من يێ شه‌له‌لي بۆ من زڤرانده ده‌ڤ من و گه‌له‌ك كه‌يفا من هات كو كورێ من ب ساخي هاتي.
نه‌سرينێ هێشتا ژي گۆت: بۆ ماوێ نه‌ه روژان ل چيايێ شكالێ ماين بتنێ مه ئاڤ و نانێ ره‌ق دخار هنده‌ك جاران ژي فروكێ بۆ مه خوارن وئ اڤ دهاڤێت گه‌له‌ك جاران خه‌لك ژ شنگالێ دهات گۆتن ب ره‌ڤن ئه‌ڤه چه‌كدارێن داعش هاتنه چيا ژي ژبه‌ر ڤان ئاخفتنا گه‌له‌ك جاران مه جهێ خوه ڤه‌گوهاستيه ژبه‌ر كو گه‌له‌ك ترسياين لێ پشتي نه‌ه رۆژان هه‌تا گه‌هشتينه باژێرێ دهۆكێ.
نه‌سرينێ گۆتژي: من ب سه‌ر هه‌وي شووكريه ئه‌م گه‌له‌ك ژيانه‌كا ب زه‌حمه‌ت بورينين چونكو بابێ زارۆيێن من يێ پيره و نه‌شێت چ كاران بكه‌ت جاره‌كێ ژي جه‌لتا دلێ بۆ چێ بوويه و مه چ كه‌س نينه بۆ مه كاربكه‌ت له‌ورا په‌زي خودان دكه‌م و هه‌روه‌سا من پارچه‌كا ئه‌ردي يا هه‌ي و هه‌موو زه‌رزه‌واتي وتشتان لێ دچينم چونكو مه پاره نينن هه‌موو تشتێن خوارنێ پێ بكرين به‌لێ هه‌رسێ زارويێن من يێن شه‌له‌لي موچه‌يێ هه‌ي لێ ئه‌ڤه چه‌ند هه‌يڤه موچێ وان نه‌هاتي له‌ورا نه‌چاربووين هنده‌ك زێرێن خوه دگه‌ل پارچه زه‌ڤيا خوه من فروتيه.
نه‌سرينێ زێده‌تر گۆت: سه‌رشوشتنا هه‌رسێ زارۆيێن من گه‌له‌كا ب زه‌حمه‌ته چونكو يێن مه‌زن بووين ب زوري سه‌رێ وان دشووم كچه‌ك ژ وان ب زنجيرێ گرێده‌م ئه‌گه‌ر ئه‌ز وێ گرێنه‌ده‌م دره‌ڤيته ژده‌رڤه دچيته سه‌ر جادي له‌ورا ئه‌ز نه‌چاردبم هه‌ر زاروكه‌كێ خوه حه‌بكه‌كا خه‌وێ ژي بده‌مێ هه‌ر ژ ده‌مژمێر »8« شه‌ڤ هه‌تا سپێدي دنڤن نوشدار دبێژنه مه ئه‌گه‌ر هوين زارويێن خوه ب به‌نه ده‌رڤه‌ي وه‌لاتي بيت دورست ببن و ئه‌گه‌ر جهه‌ك ژي ژلايێ حكومه‌تێ ڤه ژي هاتبا چێكرن بۆ وان زاروكان ئه‌وێن شه‌له‌لي و دايك و باب نه‌شێن خودان كه‌ن ئه‌گه‌ر جهه‌ك هه‌با دا هه‌رسێ زارويێن خوه ل وي جهي دانم چونكو گه‌له‌ك ب وان هه‌رسێ يان ڤه يا وه‌ستيايم و ئه‌ز وه‌كو وان يا دين بوويم به‌لێ من ئه‌وژي گه‌له‌ك دڤێن وه‌كو زارويێن خوه يێن دي چونكو ئه‌و جه‌گه‌رامنن.
نه‌سرينێ دياركر ژي كو هه‌رۆژ خارن و ڤه‌خارن دروستكري ژلايێ حكومه‌تێ ڤه بۆ وان دهێن چونكو وان ئه‌و كه‌لوپه‌ل نينن ئه‌و ب خوه خوارنێ دروست بكه‌ن و هه‌روه‌سا دقوتابخانێ ژي ڤه جه نه‌مايه كو دپوله‌كێ دابنڤن هه‌تا نوكه ل مه‌يدانا قوتابخانێ دا نه ئه‌گه‌ر بۆ هه‌تاڤ جهێ خوه ڤه‌دگوهێزنه به‌رسيبه‌رێ و گۆت ژي ئه‌گه‌ر هات و قوتابخانه ڤه‌بوون هه‌موو كه‌س ژێ ده‌ركه‌فتن لێ من چ جه نينن ب چ رێ دێ هه‌ر مينمه ل به‌رڤان ديوارن مالباتا من گه‌له‌ك جاران گۆته من دگه‌ل مه وه‌ره دێ چينه ده‌رڤه‌ي وه‌لاتي به‌لێ نه‌شێم ژبه‌ر هه‌رسێ زارويێن خوه يێن شه‌له‌لي ب چمه چ جهێن دي ب قاچاغي و مه پاره ژي نه‌بوون من گه‌له‌ك حه‌زدكر چوبامه وه‌لاته‌كي من زارويێن خوه چاره‌سه‌ر كربان چونكو گه‌له‌ك (ازعاجا) من دكه‌ن.
