ب درێژاهیا شەش كیلۆمەتران ئاڤڕێژ ل زاخۆ دهێنە چێكرن
زاخۆ، عەلی حاجی:
ئەندامەكێ لژنا سەرپەرشتیا دروستكرنا ئاڤڕێژان ل زاخۆ دیار كر، ل هندەك گەرەكێن دەروبەرێن بازارێ زاخۆ و هەتا د ناڤ سەنتەرێ بازارێ زاخۆ ژی دا ل وەرزێ زڤستانێ لەهی دروست دبوون و د نوكە دا ئەو گەرەك و بازار هەمی هاتینە ئاڤڕێژكرن و مەترسیا دروستبوونا لەهیان ناما.
ئەندازیار عەلی موستەفایی، ئێك ژ ئەندامێن لژنا سەرپەشت یا دروستكرنا ئاڤڕێژان ل زاخۆ بۆ ئەڤرۆ گۆت: «د وەرزێ زڤستانێ دا ل هندەك گەرەك و تاخێن دەوروبەرێن سەنتەرێ بازرێ زاخۆ، لەهی دروست دبوون و ئاڤ دهاتە د ناڤ سەنتەرێ بازارێ زاخۆ دا، ئیدارەیا سەربخوە یا زاخۆ رازیبوو، ئەو گەرەكێن ل دەوروبەرێن بازارێ زاخۆ هەمی بهێنە ئاڤڕێژكرن ب درێژاهیا شەش كێلومەتران، دا كو ئێدی مەترسیا دروستبوونا لەهیان نەمینیت، پڕۆژە گەهشتیە قووناغا دووماهیێ و زێدەتری 85% هاتیە بجهئینان و هەكە رەوشا سەقای تێك نەچیت، د دەمێ 15 رۆژێن دیتر دا پڕۆژە ب تەمامی دێ ب دووماهی هێت».
ناڤهاتی گۆتژی: «ئەو جاددەیێن كار تێدا هاتیە كرن، دێ هێنە پاقژكرن و هەر جاددەیەكا كێماسی تێدا هەبیت دێ هێنە سەخبێركرن، پاشی هەمی ب شێوەیەكێ سەردەم دێ هێنە قێركرن و كەڤنە د خزمەتا وەلاتیان دا».
