ب درێژاهیا 105 كیلۆ مهتران جاددهیێن زاخۆ دێ هێنه قێركرن
زاخۆ، دلۆڤان هالۆ:
ب درێژاهیا 105 كێلۆ مهتران پڕۆژێ سهخبێركرن و چێكرن و قێركرنا جادهیێن زاخۆ ل گهل ئاڤڕێژان ل سنوورێ ئیدارا سهربخوه یا زاخۆ كهڤته د بیاڤێ بجهئینانێ دا.
گوهدار شێخۆ، سهرپهرشتێ ئیدارا سهربخوه یا زاخۆ د كۆنگرهیهكێ ڕۆژنامهڤانی دا دیار كر كو ل سهر ڕاسپاردا مهسروور بارزانی، سهرۆكێ حكومهتا ههرێما كوردستانێ، پڕۆژێن خزمهتگوزاری یێن جوراوجورێن باژێڕێ زاخۆ كهڤتنه د بیاڤێ بجهئینانێ دا، كو پێكهاتینه ژ جادهیێن سهرهكی و ناڤخوه، سهخبێركرنا جادهیان، چێكرن و قێركرنا جادهیان ب درێژاهیا ٧٧ كیلۆ مهتران، چێكرنا ئاڤڕێژان.
گوهدار شێخۆ گوت: “ئهو پڕۆژێن ماین ژی د دهمهكێ نێزیك دا دێ كهڤنه د بیاڤێ بجهئینانێ دا، كو ژ وانان جاددا 60 مهترییه، نێزیكی ١٢ كیلۆ مهترایه ژ بۆ خزمهتكرنا خهلكێ دهڤهرێ، دێ بزاڤان كهین زاخۆ بهرهڤ قووناغێن باشتر ڤه بهین و خزمهتگوزاری یێن باشتر ل سهر ئهركێ حكومهتا ههرێما كوردستانێ و كابینهیا نههێ دێ هێنه پێشكێشكرن”.