ب درێژاییا 14 كیلۆمەتران رێیا گەلییێ بالندا بۆ پرا سیـدان هاتە قێركـرن
ئامێدیێ، مەحمود نهێلی:
كار د چێكرن و باشتركرن و سەخبێركرنا پڕۆژەیێ ستراتیژی یێ رێكا گەلیێ بالندا بۆ سیدان دا بەردەوامە و نوكە د قووناغێن قێركرنێ دایە و بەر ب دوماهیێ یە.
رزگار عوبەید، رێڤەبەرێ ناوچەدارییا شێلادزێ بۆ رۆژناما ئەڤرۆ دیار كر، ئەڤ پڕۆژەیە ئیكە ژ وان پڕۆژەیێن گرنگ و ستراتیژی یێن خزمەتگوزاری ژ لایێ حكومەتا هەرێما كوردستانێ ڤە ل دەڤەرا مە و ب گوژمێ پتر ژ 24 ملیار دیناران دهێتە بجهئینان.
ناڤهاتی گۆت: «درێژاهیا ڤێ جادەیێ 14 كیلۆمەترن و نوكە پڕۆژە د قووناغێن دوماهیێ و قێركرنێ دایە، ژ بلی چێكرنا جادەیێ، رۆناهی ژی هەتا دگەهیتە گوندێ سیدان دێ بۆ هێتە دانان».
گۆتژی: «د قووناغێن دووڤ دا، ئەو جادەیە دێ گەهیتە گوندەوارێن دەڤەرا رێكان و نێروە و دوسكی ژووریان، هەروەسا ب رێكا چێكرنا پرەكێ ب دەڤەرا مزووری ژووریان ڤە دێ هێتە گرێدان و خزمەتەكا باش یا دەڤەرێ دێ هێتە كرن و دەستێ ئاڤەدانیێ گەهیتە تەڤایا گوندەوارێن وێ».
