ل دهۆكێ كچه‌كێ پشتی شوو کری لەشفرۆشی دکر
ئه‌ڤرۆ نيوز:
پارێزەرەکێ دادگەھا دھۆکێ راگەھاند کو بابەکی کچا خوە یا سنێلە د ژیێ 15 سالیێ دا دابوو شوو، د ڤی ژیێ بچووک دا کچێ چو ژ شوویا نە دزانی و زەلامێ خوە ژی نە دڤیا، پشتی دو سال ل سەر ھەڤژینیا وانڤە چووین، ئەڤێ کچا سنێلە گەنجەک نیاسی و ب پارە کریارا سێکسی ل گەل کر و گۆت: ئەڤ رەفتارا وێ زێدە بوو ھندەک گەنجێن دیتر پارە دانێ و بۆ خوە کریارا سێکسی ل گەل دکر، ھەتا ھەڤژینێ وێ زانی و بەردا.
پارێزەر ئیسماعیل عابد، ل دادگەھا دھۆکێ بۆ ئەڤرۆ دیار کر کو ل کومەڵگەھەکا سەر ب پارێزگەھا دھۆکێ ڤە کچەکا سنێلە ژیێ وێ دبن 18 سالیێ دا شوو ب کورەکێ کر بوو و گۆت: ئەڤێ کچێ د ژیێ 15 سالیێ دا شوو ب ڤی کوری کر بوو، و ھینگێ چو ژ شوویا نەدزانی و ھەتا ژیێ وێبوویە 17 سال، ئەڤێ کچێ زەلامێ خوە نەدڤیا و بابێ وێ ھێشتا یا بچووک دابوو شوو ھێشتا چو نەدزانی.
پارێزەری گۆتژی: رۆژەکێ ئەڤێ کچێ گەنجەک نیاسی و پەیوەندیێن ئەڤینداری دروست بوون و نێزیکی ئێک بوون ڤی گەنجی پارە دانە ڤێ کچێ و کریارا سێکسی ل گەل کر، پاشی ھندەک گەنجێن دیتر ژی پارە دانە ڤێ کچێ و وان ژی کریارا سێکسی ل گەل کر، لێ پشتی زەلامێ ڤێ کچێ پێ حەسیای کو ھەڤژینا وی ڤان کاران دکەت و خیانەتێ لێ دکەت، ھەڤژینا خوە بەردا.
پارێزەری ئەو چەندە ژی دیار کر کو ل ڤێ دووماھیێ کەسەکێ دیتر ژی ئەڤێ کچێ نیاسی کەسەکێ دەولەمەند بوو و خێزاندار بوو و زارۆ ھەبوون، وان ھەردویان ژڤان دانە ئێکدو کو ئەو کەسە بھێتە مالا وێ و دەمێ کریارا سێکسی ل گەل ڤێ کچێ ئەنجام ددا، بابێ وێ کچێ دیت، ئەڤ کەسە ژی ئێکسەر رەڤی، بەلێ بابێ وێ ل دادگەھێ سکالا ل سەر ڤی کەسی تومارکر کو کچا وی سنێلەیە و ڤی کەسی بۆ خوە ب دەرفەت دیتیە خوە نێزیکی کچا وی بکەت. پارێزەری گۆتژی: پشتی ئەڤ کەسە ھاتیە دەستەسەر کرن، بابێ وێ داخوازا پارەی ژ وی کەسی کر و گۆتە پولیسان ئەڤی کەسی دەستدرێژی کریە سەر کچا من و ئەو بۆ ئەگەر کو کچا من ل گەل ھەڤژینێ خوە نەمینیت، پشتی وی کەسی پارە داینە بابێ کچێ داگێران ژ داوا خوە کر.
پارێزەر ئیسماعیل زێدەتردبێژیت: پشتی بابێ کچکێ داگێران ژی کری مافێ گشتی ھەر تێدا بوو، چونکی کچک سنێلە بوو ژیێ وێ دبن 18 سالیێ دا بوو، تاوانباری دانپێدان کر کو دو جاران کریارا سێکسی ل گەل ڤێ کچێ کریە ئەو ب خوە سێ جاران کریارا خوە ئەنجام دابوو بەلێ دانپێدان نەکر، دادوەری بۆ ھەر جارەکێ سال و نیڤا حوکم کر بۆ ھەردو جاران حوکمێ وی بوونە سێ سال ل سەر مادا 493 یا سزایێن عیراقی.
