ب دەنگێ کوردان دێ چەندین باژێرڤانییێن گرنگ ئێکلا بن
تورکیا بەر ب هەلبژارتنێن باژێرڤانیان ڤە دچیت، ئاکپارتی و پارتا کۆماری ل باژێرێن مەزن یێن تورکیا ب تایبەتی ژی ل ئستەنبول و ئەنقەرە د هەڤڕکیەکا گەلەک مەزن دانە، بەرپرسێن ئاکپارتیێ دخوازن ڤێجارێ سەرۆکاتیا هەر دو باژێرێن مەزن یێن تورکیا ژ دەستێ پارتا کۆماری دەرخینن، پارتا کۆماری ژی بزاڤا ڤێ یەکێ دکەت جارەکا دی ب دەنگ و پشتەڤانیا کوردان هەر دو باژێرڤانیان بدەستڤە بینیت.
چاڤدێرێن سیاسی ل تورکیا ژی دیار دکەن، رێژەیەکا ئێکجار زۆر کورد ل هەر دو باژێرێن مەزن یێن تورکیا دژین و ب دەنگێن کوردان دێ سەرۆکاتیا هەر دو باژێرڤانیێن مەزن ئانکۆ ئستەنبول و ئەنقەرە هێتە ئێکلا کرن.
