ب دەهان لاوێن کورد ل رۆژهەلاتێ کوردستانێ هاتنە دەستەسەر کرن
ئەڤرۆ نیۆز، هۆشەنگ تاجر:
تاهر محەمەدی وەلاتیێ کورد ل باژێرێ خوێ یێ رۆژهەلاتێ کوردستانێ بۆ ئەڤرۆ نیۆز دیار کر کو ئەڤرۆکە سەر سپێدێ هێزێن ئێمناهیێ یێن ئیرانێ ل چەندین تاخێن باژێرێن خوێ کو پرانیا ئاکنجیێن وان کوردن دەست ب دەستەسەرکرنا چەندین لاوێن کورد کرن و برایێ من ژی هاتیە دەستەسەر کرن و گۆت: (هێزێن پۆلیسان دبێژن ڤان کەسان دوهی ب بەران هێرشی کاروانێ ترۆمبێلێن سەرۆک کۆماری کرینە و ئاریشە دروست کرینە، لێ گەلەک کەسێن کو هاتنە گرتن چو پەیوەندیا وان ب روودانا دوهی ڤە نینە).
ناڤهاتی ئەو یەک ژی دیار کر کو نها هێزێن ئێمناهیێ ل گەلەک تاخێن باژێری هەنە و دەستەسەرکرنا لاوان یا بەردەوامە و گۆت: (د ناڤ کەسێن دەستەسەر کری دا کەسێن ئازەری ژی هەنە و هەتا نها کەس نزانیت کا لاوێن دەستەسەر کری بەر ب کیڤە برینە و دێ چارەنڤیسێ وان چ بیت).
