ب راکرنا رووڤیکا کۆرە بەرگریا لەشی لاواز نابیت
د. سەباح ئەحمەد دۆسکی، تایبەتمەندێ نشتەرگەریا گشتی دیارکر کو رووڤیکا کورە پرتەکا گوشتی یازێدەیە دناڤبەرا رووڤیکا مروڤی یا بچووک و یا مەزن قۆلون یا ل رەخێ راستێ یێ مرۆڤی دناڤ زکی دا و چ کار پێ ناھێنە کرن ژلایێ لەشێ مرۆڤی ڤە و گۆت: رووڤیکا کورە درێژیا وێ حەفت ھەتا دوازدە سانتی مەترە بەرگریێ ژ رووڤیکێن دی دکەت ھەکە رووڤیک ھاتە راکرن بەرگریا لەشی لاواز نابیت و ھەمی کە سان دگریت ژیێ ئێک سالی ھەتا 33سالیێ.
دەربارەی نیشانێن ب مەترسی یێن رووڤیکا کورە، د. سەباح ئەحمەد دۆسکی دیارکر کو ل دەستپێکێ زک ھەمی دئێشیت پاشی ددەتە رەخێ راستێ و دلرابوون پەیدادبیت و تایەکا سڤک دگریت و دلێ وی ناچیتە خوارنێ و دیسا دێ تووشی زکچوونەکا بەردەوا م بیت.
د.صباح احمد دۆسکی، دیار کر ژی کو رووڤیکا کورە ب رێیا تیشکا نورمال و میفراس و سونارێ و دیسا ئەنجامدانا پشکنینەکێ بۆ دەستئاڤێ دھێنە دەستنیشانکرن و گۆت: پشتی دەستنیشانکرنا رووڤیکا کورە ژلایێ نوشدارێ تایبەتمەند ڤە پێدڤیە د ماوێ دوازدە دەمژمێران دا بھێتە نشتەرگەریکرن و ھەکە نشتەرگەری نەھاتە کرن دێ تووشی ھەودانەکا زێدەتر بیت یان دێ رووڤیکا کورە پەقیت و بیتە جھێ مەترسیێ ل سەر نەخۆشی و دیسا دێ رەوشا وی تێکچیت و ھەکە یێ دوور بیت ژ نۆشداران رەنگە گیانێ خوە ژدەست بدەت.
تایبەتمەندێ نشتەرگەریا گشتی دیارکر ژی کو نوکە نشتەرگەری ب رێیا نازوورێ دھێتە کرن و گۆت: نشتەرگەریا ب رێیا نازوورێ بۆ هەمی کەسان و ب تایبەت مرۆڤێن قەلەو باشترە.
د. سەباح ئەحمەد دۆسکی دیارکر، کو پشتی نشتەرگەری ب دووماھی دھێت یا باشتر ئەوە نەخۆش بۆ دەمێ چار ھەتا شەش دەمژمێران ژنوو دەست ب خوارنێ بکەت و دیسا ھاتن و چوونێ بکەت و پشتی دوازدە دەمژمێران نوشدارێ تایبەتمەند دشێت نەخوشی ژ نەخوشخانێ دەربێخیت و گۆت: ب رێژا 15% ژ خەلکی تووشی ھەودانا رووڤیکا کورە دبن و پتریا وان دناڤبەرا ژیێ شەش ھەتا 40 سالیێ تووش دبنێ و رەنگە پتریا نشتەرگەریێن بۆ حالەتێن تەنگاڤیا دھێنە کرن ھەودانا رووڤیکا کورە بیت و ھەکە مروڤ تووشی ھەودانا رووڤیکا کورە بوو دشێت چاڤدێریا خوە بکەت ب رێیا خوارنا دەرمانان و پێدڤیە ئەو دەرمان ل ژێر سەرپەرشتیا نوشدارێ تایبەتمەندبن.
