ب ریمۆنتادا ریال مه‌درید نمره‌كا نوو تۆماركر
ئه‌ڤرۆ،
تیما ته‌پا پێی یا یانا ریال مه‌درید یا ئسپانی شیا نمره‌كا نوو یا پیڤایی تۆماربكه‌ت ب ئینانا چار ریمونتادا د ماوێ ئێك هه‌یڤ و نیڤ دا ژوانا سێ ریمۆنتادا د قاره‌مانیا یانێن ئۆرۆپا قاره‌مانێن خولا یا چامپیۆنزێ كو دهێته هژمارتن ئێكه‌م یانه سه‌ر ئاستێ جیهانێ و ئۆرۆپا تۆماربكه‌ت.
یانا ریال مه‌درید پشتی شیایی سه‌ركه‌فتنه‌كا مێژوویی ل سه‌ر مانچسته‌ر ستی یا ئنگلێزی بینت ب سێ گۆلان به‌رامبه‌ر گۆله‌كێ و ده‌ربازبیته یاریا دووماهیا چامپیۆنز لیگ ژ چارچووڤێ یاریا دویێ یا هه‌ڤڕكیێن قۆناغا پێش دووماهیێ ئه‌وا ل چارشه‌مبیا بوری ل سانتیاگۆ بیرنابیو هاتیه كرن، د یاریا ئێكێ دا ریال مه‌درید ل گه‌ل مان ستی ب سێ گۆلان به‌رامبه‌ر چار گۆلان یا خوساره‌ت بوو، د یاریا دویێ دا یا پاشكه‌فتی بوو ب گۆله‌كێ لێ د خوله‌كا 90 و 90+1 شیا پێشكه‌ڤیت و بهێته دناڤ هه‌ڤڕكیێن یاریێ دا كو ئه‌ڤ ئه‌نجامه ب 5- 5 گۆلان وه‌كهه‌ڤی هات و یاری چوو ده‌مێن زێده‌كری و ڤه‌بڕ، د خوله‌كا 95ێ دا هێرشبرێ ریالێ كه‌ریم بنزێمه مفا ژ په‌نه‌لتیێ وه‌رگرت و شیا گۆلا سێیێ وده‌ربازبوونێ تۆماربكه‌ت د یاریه‌كا ئاگرین دا و یانا ریال مه‌درید ب رێمۆنتادا ده‌ربازبیته یاریا دووماهیا قاره‌مانیێ ئه‌وا بڕیاره ل 28ێ ڤێ هه‌یڤێ ل پاریس هه‌مبه‌ری یانا لیڤه‌رپۆل یا ئنگلێزی بیت.
چار ریمونتادا د ماوه‌كێ كورت دا
یانا ئسپانی شیا د ماوێ ئێك هه‌یڤ و نیڤ دا چار ریمونتادا تۆماربكه‌ت كو دهێته هژمارتن نمرا پیڤایی و تاكه یانه تۆماربكه‌ت تایبه‌ت سێ ژوان د ئێك قاره‌مانی دا، د خولا ئسپانیا دا ل گه‌ل سیڤییا یا پاشكه‌فتی بوو ب دو گۆلان لێ شیا سێ گۆلان تۆماربكه‌ن و سه‌ركه‌فتنێ بینن، هه‌روه‌سان د چامپیۆنزێ دا ل گه‌ل چێلسی یا ئنگلێزی ژ قۆناغا چارێك دووماهیێ دا و یاریا دویێ شیا دو گۆلان د خوله‌كێن 80ێ و 96ێ دا تۆماربكه‌ت و سه‌رجه‌مێ گشتی یێ هه‌ردو یاریا پێنچ ب چار گۆلان ده‌ربازبیته قۆناغا پێش دووماهیێ، دیسان ل گه‌ل پاریس سانجێرمان یاریا ئێكێ دا ب گۆله‌كێ یا خوساره‌ت بوو ژ قۆناغا 16ێ و دیاریا دویێ دا تیما فره‌نسی گۆلا ده‌ستپێكێ ئینابوو لێ ریال شیا سێ گۆلان بینت و ده‌ربازبیته قۆناغا چارێك دووماهیێ، هه‌روه‌سان یاریا حه‌فتیا بوری ل گه‌ل مان ستی كو سه‌رجه‌مێ وان بوونه چار ریمونتادا و دهێته هژمارتن نمرا پیڤایی.
