ب رێژەیا 83% دەنگدەرێن دهۆكـێ هاتینە تۆماركرن
دهوك، لەزگین جۆقی:
بەرپرسێ ئۆفیسا دهۆكێ یێ كومسیۆنا بلندا هەلبژارتنێن ئیراقێ بۆ ئەڤرۆ دیار كر، بەردەوام ناڤێن خەلكێ دهۆكێ بۆ هەلبژارتنێن بهێن یێن پەرلەمانێ ئیراقێ دهێنە تۆماركرن و دبێژیت: هەتا نوكە ب رێژەیا 83%ێ ژ دەنگدەرێن دهۆكێ هاتینە تۆماركرن.
خالد عەباس، بەرپرسێ ئۆفیسا دهۆكێ یێ كومسیۆنا هەلبژارتنان گۆت: «نوكە تۆماركرنا ناڤێن خەلكی ل 41 بنگەهان، ل سنۆرێ پارێزگەها دهۆكێ و ئیدارەیا سەربخۆ یا زاخۆ بەردەوامە، هەتا رۆژا 20/6/2025ێ ناڤێن خەلكێ دهۆكێ بۆ هەلبژارتنان دێ هێنە تۆماركرن».
گۆتژی: «ل دهۆكێ 944 هزار دەنگدەر هەنە، پارێزگەها دهۆكێ بلندترین رێژەیا تۆمارا بایۆمەتری ل سەر ئاستێ هەمی ئیراقێ تۆماركریە».
