ب رێیا سۆشیال میدیایێ وێنان بۆ خه‌لكی چێدكه‌ت
خانكێ، دلڤین ره‌شید:
وێنه‌كێش (جه‌لال قاسم غانم) كو خه‌لكێ كومه‌لگه‌ها خانه‌سۆرێ یه ل ده‌ڤه‌را شنگالێ و نوكه ل كه‌مپا باجد كه‌ندال دژیت، د دیداره‌كێ دا بۆ رۆژناما ئه‌ڤرۆ دیاركر كو ئه‌ڤه ژ سالا 2018 وه‌ره ئه‌و كارێ وێنه‌چێكرنێ دكه‌ت و پتریا وێنان ب رێیا سۆشیال میدیایێ ژ خه‌لكی وه‌ردگریت پاشی بۆ چێدكه‌ت و ب هه‌مان رێ بۆ دهنێریت.
ناڤهاتی گۆت: ل ده‌سپێكێ من وێنه ب ره‌نگێن زه‌یتی چێدكرن، پاشی من بزاڤكرن ب خامێ رساسی چێكه‌م و هه‌ڤال و كه‌سوكارێن من پشته‌ڤانێن من بوون كو هه‌تا نوكه یێ به‌رده‌وام بم، و نوكه ئه‌ز وێنان ل دووف داخوازیان چێدكه‌م و ل مالپه‌رێ خوه یێن سۆشیال میدیایێ به‌لاڤ دكه‌م و هه‌ر كه‌سه‌كێ وێنه‌ك بڤێت ئه‌ز بۆ چێدكه‌م، هه‌تا نوكه من گه‌له‌ك وێنه چێكرینه به‌لێ ژبه‌ركو ره‌وشا من یا دارایی یا لاوازه نه‌شێم چو بێشانگه‌هان ڤه‌كه‌م ،جونكو بۆ ڤه‌كرنا پێشانگه‌هه‌كێ پاره دڤێن و هه‌تا نوكه كه‌سی پشته‌ڤانیا من نه‌كریه و داخوازێ ژ جهێن شۆله‌ژێ دكه‌م پشته‌ڤانیا مه‌ن بكه ن دا بشێم یێ به‌رده‌وام بم، هه‌روه‌سا فه‌ره گرنكی ب شیانێن گه‌نجێن به‌هره‌دار بهێته دان دا بشێن داهێنانێ بكه‌ن و ژبلی وێنه‌كێشانێ ئه‌ز ئامیرێ ته‌مبۆرێ ژی دژه‌نم.
