ب رێیا هونەری بەرگریێ ژ ژنان دكەت
زنار تۆڤی:
سنۆر، خانمەكا شێوەكارە، ل سالا 1986 ێ ل باژێرێ مهابادێ ل رۆژهەلاتێ كوردستانێ ژ دایكبوویە، دەرچۆیا پشكا فەلسەفێ یە ل زانكۆیا تەبرێز، د دیدارەكێ دا بۆ رۆژناما ئەڤرۆ دبێژیت: ل سالا 2013 ئەز هاتیە باژێرێ هەولێرێ و ل ڤێرە من دەست ب كارێ شێوەكاری كریە، ئەز وەكو شێوەكارەك ژیانێ ژ جەستەیێ ژنان دبینیم و دنیاسم، چونكی ژن تووشی گەلەك جۆرێن توندۆتیژیێ و سڤكاتیێ دبن، هەروەسا ژن دناڤ جۆگرافیەكا سیاسی و كلتۆری دا یا پری ئازار و نەخۆشی دا ل ئیرانێ دژین و نوكە ژی ئەو توندۆتیژی ل هەمبەری وان دهێتە كرن.
ناڤهاتیێ گۆت: ئەز ئەزموونا خۆ یا تاكە كەسی ڤەناگێرم، ئەو تشتێن من ب چاڤێن خۆ دیتین دكەمە كەڤال و هەموو وان ئێش و نەخۆشێن ب سەرێ ژنان دهێن دكەمە كەڤال و ب رێیا هونەرێ خۆ بۆ خەلكێ بەرچاڤ دكەم، نوكە ئەز ل ئیستەنبولێ دژیم و من هۆلەكا شێوەكاری هەیە و هەیڤانە كار و چالاكیێن هونەری تێدا دهێنە ئەنجامدان، هەروەسا ئەڤە چەندین سالە ئەز كاری ل دژی توندۆتیژیێ دكەم و ئەز هەردەم بەرگریێ ژ ژنان دكەم و ئەڤە شانازیەكا مەزنە بۆ من و من دڤێت ب رێیا هونەرێ خۆ خزمەتا ژنان بكەم.
