كچه‌ك ل سۆران ب چێكرنا وێنان خه‌لك حێبه‌تى كريه
ئەڤرو نیوز، نەوزاد ھلوری:
سەمیرا موستەفا ئێک ژ وان کچێن شێوەکار و قوتابی کو ھەر ژ زاروکینی حەزا کارێن شێوەکاری و دروستکرنا وێنان ھەیی، ب رێیا دروستکرنا کارێن شێوەکاری داھاتەکێ بخوە پەیدا دکەت.
سەمیرا موستەفا دیارکر کو ئەوێ ھەر ژ زاروکینی حەزا کارێ شێوەکاری و وێنان ھەبویە و بۆ ئەڤرۆ گۆت: (دروستکرنا کارێن شێوەکاری و وێنان ژلایێ من زور ساناھیە، ھەردەما من ڤیا وێنێ کەسەکێ دروست بکەم دەستپێکێ ئەز وێنەیەکێ ژ وان وەردگرم ئەو وێنێ ئەو دخوازن کو لسەر کاغەزێ بھێتە چێکرن، بو چێکرنا ھەر وێنەیەکێ ژی ئەز پێدڤی ب نیڤ دەمژمێرێ بتنێ مە، دەما کو ئەز دناڤ پارک و بازاری وێنان بو کەسان دروست دکەم ھندەک جاران رەخنە ل من دھێنە گرتن، بەلێ ژ بەرکو من گەلەک حەز ژ کارێ خوە کریە من ئەڤ کارە ھەلبژارت و دێ ل سەر بەردەوام بم و گوھداریا ئاخفتنا خەلکی ناکەم و من ئارمانجەک ھەیە و دێ زێدەتر لسەر ئارمانجا خوە راوستم).
زێدەتر گۆت: من دناڤ بازارێ سۆران دوکانەکا تایبەت ب ھەڤپشکی ل گەل شێوەکارەکێ دن ھەیە و روژانە پشتی دەواما زانکویێ ئەز ل دوکانا خوە وێنێن خەلکی دروست دکەن، داھاتەکێ بخوە پەیدا دکەم، نوکە ل سوران زێدەتر گەنج وێنێن خوە دروست دکەن ،پاشان دکەنە دیاری بو کەس و کار و ھەڤالێن خوە).
سەمیرا ل سالا ١٩٩٣ ل رۆژھەلاتێ کوردستانێ ژ دایکبویە و قوتابیا قوناغا چوارێ یا زانکویا سورانە و ل دوماھیێ گوت: (ئەڤ نێزیکێ سێ سالایە ئەز کارێ شێوەکاری دکەم، ھەر چەندە دبیت دروستکرنا وێنان و خواندن پێکڤە یا ب زەحمەت بیت بەلێ ئەز فێربویمە و من زور بزاڤ و راھێنان کرینە ھەتاکو شیایم فێربم، ھندی ژ من بھێت دێ لسەر خزمەتکرنا خەلکێ خوە بەردەوام بم).
