ب رێیـا سێلفـى مـودێلێن جـلكـان تێست بكـه
ئەپلیكەیشنێ Nano Banana بەردەوامە ل سەر توماركرنا سەركەفتنێن مەزن د بوارێ زیرەكیا چێكرى بەرهەمهێنەر (Generative AI) دا. ڤی ئەپلیكەیشنێ گۆگل جهێ خۆ وەك ئێك ژ ب ساناهیترین ئەپلیكەیشنان بۆ دروستكرن و دەستكاریكرنا وێنان ب لەز و ب شێوەیەكێ ژيوارى كریە. زێدەباری ڤێ چەندێ، ل ڤان دوماهیان د گەل ئامیرێن موبایلێن سامسۆنگ و گەڕۆكێ كرۆم هاتیە تێكهەلكرن. نانۆ بانانا رێ ددەت بكارهێنەران كو دەستكاریێ د ئەنجامێن وێنان دا بكەن، ستایلا بگوهۆڕن، نموونێن دەموچاڤی دروست بكەن.
نوكە، ب سایێ نووكرنێن Gemini 2.5 Flash Image، نانۆ بانانا دشیان دایە كۆپیەكا دیجیتالی یا تەمام ژ لەشێ مرۆڤی دروست بكەت، ب ڤێ چەندێ رێ ددەته بكارهێنەران جلوبەرگان ب ئاوایەكێ مەجازی (خەیالی) تاقی بكەن.
ئەڤ تایبەتمەندیا نوو ل سەر گەڕیانا گۆگل (Google Search) و بازاركرنا گۆگل (Google Shopping) یا بەردەستە، ب سادەیی كار دكەت: بكارهێنەر وێنەیەكێ خۆ (سێلفی) ب رێكا ڤی لینكی بار دكەن (ئەپلۆد دكەن)، پاشی قەبارێ خۆ یێ ئاسایی هەلدبژێرن دا كو ئەپلیكەیشنێ نانۆ بانانا بەشێن دی یێن لەشی دروست بكەت.
زیرەكیا چێكرى چەندین ئەنجامان پێشكێش دكەت دا كو بكارهێنەر بشێن ئەو لەشێ ژ هەموویان گونجایتر بۆ خۆ هەلبژێرن. پشتی هەلبژارتنێ، نانۆ بانانا دەلیڤێ ددەت بكارهێنەران كو پارچێن جودا یێن جلوبەرگان تاقی بكەن، دەستپێكری ژ تەنورە و كراسان ههتا دگەهیتە فيستان و بلوزان.
ئەڤ تایبەتمەندیا نوو ژ نانۆ بانانا ئەزموونەكا كڕینێ يا ب كێفتر و كاریگەرتر پێشكێش دكەت، چونكی تشتێ هەموو دهێتە خواستن ب تنێ وێنەیەكێ سێلفی یە دا كو پرۆسەیا كڕینێ ب لەزتر لێ بهێت.
