ب سترانه‌كێ دێ پشته‌ڤانیێ ل ریفراندۆما سه‌ربه‌خۆیا كوردستانێ كه‌ت
ئه‌ڤرۆ نیۆز،زنار تۆڤى:
سترانبێژێ گه‌نج ئه‌حمه‌د یه‌حیا د دیداره‌كێدا بۆ ئه‌ڤرۆ
نیۆز دیاركر:كو وى ل سالا 2002 ده‌ست ب سترانگۆتنێ كریه و ل سالا 2006 وى ئێكه‌م كلیپ چێكریه،كو ئه‌و ستران ژ په‌یڤ و ئاوازێن وى ب خوه بووینه،هه‌وره‌سا هه‌تاكو نوكه وى چه‌ندین سترانێن سینگل چێكرینه ل گه‌ل 8 كلیپان،كو 2 ژ وان كلیپان ئاینى نه و گۆت ژى:ل سالا 2016 من ئێكه‌م ئه‌لبۆما خوه به‌لاڤكریه كو ژ 14 تراكان پێك دهات.
ناڤهاتى ل دۆر نووترین كارێ خوه یێ هونه‌رى دیاركر:نوكه من سترانه‌كا نوو كلیپكریه ب ناڤێ”ریفراندۆم”،هه‌روه‌سا من ڤیایه دڤێ سترانێ دا پشته‌ڤانیێ ل ریفراندۆما سه‌ربه‌خۆیا كوردستانێ بكه‌م و هه‌رده‌م ب رێیا هونه‌رێ خوه دێ خزمه‌تا گه‌ل و وه‌لاتێ خوه كه‌م،دیسا ئه‌ڤ سترانا نوو ژ په‌یڤێن یونس ئۆره‌یى نه و ئاوازا وێ ژى ژلایێ زه‌مان میۆزیك ڤه هاتیه دانان،كامیره و ده‌رهێنان ژلایێ سه‌رمه‌ند ڤه بۆ هاتیه‌كرن و ل ده‌مه‌كێ نێزیك ئه‌ڤ كلیپه دێ هێته به‌لاڤكرن.