ب سترانەكێ پشتەڤانیا خوە بۆ لیستا 275 دیاركر
رەمەزان زەكەریا:
سترانبێژ (محەمەد زۆرەگڤانی) ددیدارەكێ دا بۆ رۆژنامەیا ئەڤرۆ گۆت: ئەو دەمەك بوو من چ ستران و بەرهەم تۆمار نەكربوون، ئەو ژی ژبەر كارۆبارێن رۆژانە یێن ژیانێ، بەلێ پشتی بانگەشەیا هەلبژارتنان بۆ خولا شەشێ یا جڤاتا نوونەرێن ئیراقێ دەستپێكری و پارتی دیموكراتی كوردستان ب ژمارە 275 پشكداری وەك وەفایەك بۆ رێبازا پیرۆزا پارتی و بارزانی سترانا پارتی دیمۆكراتی كوردستان بەلاڤكر.
ناڤبری گۆت: پشتەڤانیا خوە بۆ لیستا 275 یا پارتی دیموكراتی كوردستان نیشاددەم و دێ ب هەموو شیانێن خوە پشتەڤانیا بەربژار و لیستا 275 یا پارتی كەم، چنكو پارتی هەردەم شۆڕەش ئەنجامداینە بۆ ئازادی و سەربەستی و خۆشیا گەلێ كوردستانێ و وەك سترانبێژ ب ئەركێ خوە دزانم كو پشتەڤانیا پارتی بكەم، چنكو ب درێژاهیا دیرۆكێ پارتی پشتەڤانیا هونەرمەند و سترانبێژان كریە.
