ب سیستەمێ نوو مۆندیالا 2025ێ ل ئەمریكا ئێكلا بوو
ئێكەتیا تەپا پێی یا جیهانی فیفا ب فەرمی وەلاتێن ئێگكرتیا ئەمریكا دەستنیشانكرن بۆ مێڤانداریكرنا قارەمانیا جیهانێ مۆندیالا 2025ێ ل سەر ئاستێ یانەیان، پشتی بادەكا وێ ب سەركەفتیانە هاتیە وەرگرتن.
ل دووڤ سیستەمێ قارەمانیێ بۆ جارا ئێكێ یە بڕیار هاتیە دان 32 یانە ژ شەش كێشوەران پشكداریێ كەن و هەر چار سالان جارەكێ بهێتە كرن، هەمی قارەمانێن كێشوەران ژ وەرزێ 2021ێ هەتا 2024ێ دێ پشكداریێ كەن بڤی رەنگی.
ژ كێشوەرێ ئۆرۆپا 12یانە، هەشت یانە ل دووڤ ڤاڤارتنا وان د هەر چار چالێن بۆری دا، كێشوەرێ ئەمریكا باشۆر شەش یانە، دو یانە دێ هێنە دەستنیشانكرن وەكو باشترینێن دناڤبەرا هەرچار سالێن دەستنیشانكری دا، كێشوەرێ كۆنكاكاڤ، چار یانە، كێشوەرێ ئاسیا چار یانە، كێشوەرێ ئەفریقیا دو یانە، كێشوەرێ ئۆقیانۆسێ ئێك یانە ئەوا بلندترین رێژە وەردگریت بۆ چار سالێن دەستنیشانكری و ئێك یانە ژ وەلاتێ مێڤاندار.
ئێكەتیا فیفایێ دیار كر هەكە یانەكێ د ماوەیێ ئەوان چار سالێن دەستنیشانكری دو جار یا زێدەتر بوویە قارەمانێ كێشوەرێ خوە دێ ل دووڤ رێزبەندیا وێ سالێ یانەیا دویێ هێتە دانان، قارەمانی دێ ب شێوەیێ خول 32 یانە بۆ هەشت كۆمان هێنە بەلاڤكرن، دو یانە دێ دەربازبنە قۆناغا 16ێ، ئەو یانەیێن هەتا نوكە ب فەرمی دەربازبووین، مانچستەر ستی، ریال مەدرید، چێلسی، ئەهلی یا مسری، ویداد یا مەغربی، ئۆراوا رێدز یا چاپانی، فلامینگۆ و پالمێراس یێن بەرازیلی، هیلال یا سعۆدی، سیتال ساۆندرۆز یا ئەمریكی، مۆنتێری و كلۆب لیۆن یێن مەكسیكی.
بۆ زانین مۆندیالا 2023ێ دێ ل12ێ ب سیستەمێ خوە یێ نوكە ل كانوونا ئێكێ یا بهێت سعۆدیێ مێڤانداریا وێ كەت و دێ بیتە دووماهی مۆندیال پشكداریا حەفت یانەیان هێتە كرن.
