ب سەدان خێزانێن کورد ڤەگەڕیانە ڤە عەفرینێ
ب، سهرجان:
رێڤەبەریا خوەسەر یا رۆژئاڤایێ کوردستانێ راگەهاند د چارچۆڤەیێ رێککەفتنا وان ل گەل شامێ دا نها رەوشا عەفرینێ باشتر بوویە و د چەند رۆژێن بۆری دا گەلەک خێزانێن کورد ڤەگەرنە ڤە عەفرینێ و نها بەرهەڤی بۆ ڤەگەرا ٤٠٠ خێزانێن کورد ژی هاتینە کرن و هەکە وەسا بەردەوام بیت هەتا نەورۆزێ دێ پرانیا خەلکێ عەفرینێ ڤەگەرنە ڤە مالێن خوە و ئەو یەک ژی پێشهاتەیەک گرنگە.
ل ئالیێ دی سیابەند عەفرینی جێگرێ فەرماندارێ ئاسایشا پارێزگەها حەسەکێ ژی دیار کر، د چارچۆڤەیێ رێککەفتنا کو ل گەل شامێ هاتیە کرن دڤێت خەلکێ عەفرینێ، گرێ سپی و سەرێ کانیێ ژی ڤەگەرنە ڤە مالێن خوە، ئێدی دڤێت ئاوارە نەمینن و هەموو ڤەگەنە ڤە مالێن خوە، براستی ژی ژ بەر شەڕی ب هزاران وەلاتیێن کوردی بەری نها ئاوارە ببوون و د رەوشەکا گەلەک خراب دابوون، لێ نها رەوش باشترە و مە ژی دڤێت هەموو خێزانێن کورد ڤەگەرنە ڤە مالێن خوە، ڤەگەرا کوردان بۆ عەفرینێ و دەڤەرێن دی گەلەک گرنگە و بەرهەڤی ژی هاتینە کرن و ئەم دێ یا پێدڤی بۆ ڤەگەرا خەلکێ خوە کەین.
