ب شاشیێن هێلا بەرگریێ دهۆكێ دەلیڤەكا زێڕین ژ دەستدا
ئەڤرۆ
د داخویانیەكێ دا شرۆڤەكارێ وەرزشی بۆ یاریا تەپا پێی وەحید رەشید ژ دەستدانا تیما یانەیا دهۆك پلێتا قۆناغا هەشتێ ب ئەگەرێن شاشیێن هێلا بەرەڤانیێ دا زانین، پشتی ل شەڤا ئەینیا بۆری دگەل مێڤانا خوە یانەیا تەلەبە یا بەغدایی ب گۆلەكێ خوسارەت بوویی ژ چارچووڤێ قۆناغا 16ێ یا كۆپا ئیراقێ یا تەپا پێی.
زێدەتر ناڤهاتی گۆت: هەرچەندە تیما دهۆكێ د نیڤا ئێكێ دا ئاستەكێ گەلەك باش نیشان دا و شیا گڤاشتنەكا مەزن ل سەر گۆلا تەلەبە ببەت، لێ د نیڤا دویێ دا یاریزانێن دهۆكێ بەروڤاژی دیاربوون و هوسا دهاتنە دیتن بارگرانیەك ل سەر چەستەیی وان هەیە و ئەو ئاستێ نیڤا ئێكێ دا نەشیان دایی د نیڤا دویێ دا نەشیان پێشكێشبكەن تایبەت ئەو شاشیێن هێلا بەرەڤانیێ كرین ژلایێ راستی و چەپێ كو زیكا جهێ خوە بەردان و یاریزانێن هەڤڕك نە دگرتن، ئەڤچەندە بۆ دەلیڤە یاریزانێن تەلەبە مفایی ژێ وەربگرن و بشێن بڕێیا ئەڤان خەلەتیان گۆلەكێ تۆماربكەن.
ژلایەكێ دووڤە وەحید رەشید گۆت: ئاریشەكا دی یا هەرە بەرچاڤ د یاریا بۆری دا نە خوەجهیا ئاستێ پیشەكارێ وێ یانیگ زاكێری كو تیما دهۆكێ و راهێنەر پشت گەرمی پێ هەبوو لێ دڤێ یاریێ دا ئاستێ وی باش نەبوو و ئێك ژ ئەگەرێن ئانجامی بوو چنكو یانیگ ئێك ژ یاریزانێن لڤینێ بۆ تیما خوە چێدكەت و ترسێ بۆ تیما هەڤڕك پەیدا دكەت و گۆلان ژی دئینت مخابن دڤێ یاریێ دا دیاربوو بتنێ یاری بخوە دكرت ل دووڤ پلانێن راهێنەری نەبوو، هەرچەوەبیت ژی تیما تەلەبە خودان یاریزانێن باشترە ژ یێن دهۆكێ تایبەت ئەوێن دناڤ هەلبژارتیێ ئیراقێ دا و خوادنا وان باشتر بوویە.
