ب شه‌ڤ دێ باران باريت
ئه‌ڤرۆ نيوز:
رێڤه‌به‌ريا كه‌شناسى و بيڤه‌له‌رزێ ل دهۆكێ راگه‌هاند كو سوبه‌هى رۆژا سێ شه‌مبى رێكه‌فتى 19ى چريا ئێكێ يا 2015ێ ئه‌سمانێ دهۆكێ دێ پترين ئه‌ور بيت و ب ده‌مێن شه‌ڤێ ژى دێ باران باريت.
پشكا پێشبينيان ل رێڤه‌به‌ريا گشتيا كه‌شناسى و بيڤه‌له‌رزێ ل هه‌رێما كوردستانێ د نڤيساره‌كێ دا كو دانه‌ك بۆ ئه‌ڤرۆ نيوز ره‌وانه كرينه راگه‌هاند كو ژ ئه‌نجامێ فشارێن نزمێن ده‌ريا ناڤه‌راست بۆ سه‌ر هه‌رێما كوردستانێ دهێته پێشبينيكرن ئه‌سمانێ دهۆكێ دێ دێ پترين ئه‌ور بيت و ب ده‌مێن شه‌ڤێ ژى دێ باران باريت.
پشكا پێشبينيان دايه زايه زانين كو دهێته پێشبينيكرن بلندترين پلێن گه‌رمێ يێن پارێزگه‌هێن هه‌رێمێ ب ڤى ره‌نگى بن: دهۆك 30 پله، سلێمانى 32 پله، هه‌ولێر 32 پله و كه‌ركووك 34 پله.
