ب فەرمانا سەرۆك بارزانی ل ئاكرێ و بەردەڕەشێ دێ شەهیانا ب كۆم بۆ 90 کوڕ و کچان هێتە گێڕان
ب فەرمانا سەرۆك بارزانی ل سنۆرێ هەردو دەڤەرداریێن ئاكرێ و بەردەڕەشێ دێ پارتی شەهیانەكا ب كۆم بۆ 90 بیك و زاڤایان گێڕیت و بەرپرسێ لقێ پارتی ژی ل ئاكرێ دبێژیت: 10 ملیۆن دینار و مەزاختێین شەهیانا وان دێ پارتی ب ستوویێ خۆڤەگریت.
مەردان خدر، بەرپرسێ لقێ نەهێ پارتی ل ئاكرێ بۆ رۆژناما ئەڤرۆ دیاركر، ل سەر فەرمانا سەرۆك بارزانی و ب هەلكەفتا 16ی تەباخێن سالڤەگەڕا دامەزراندنا پارتی دیموكراتی كوردستان، شەهیانەكا ب كۆم بۆ 90 كوڕ و كچێن هەردو دەڤەرداریێن ئاكرێ و بەردەڕەشێ هێتە گێڕان و گۆت: «مەرج ب تنێ ئەوە، ئەو كەسێن گرێبەستا هەڤژینیێ هەی و شیانێن ڤەگوهاستنێ نەبن، پارتی دێ ب ڤی ئەركی رابیت و ئەڤێ شەهیانێ سازكەت، ب تنێ مەرج ئەڤە بیك و زاڤا هەژاربن و چو مەرجێن دی نینن، هەروەسا كوڕو كچێن شەهیدێن سەنگەری بێ پشك كێشان دێ مفاداربن».
مەردان خدر گۆتژی: «پارتی ل سەر هاریكاریا خەلكێ هەژار دێ بەردەوامبیت، ل گورەی پلانا هاتیە دانان، هەر بیك و زاڤایەك 10 ملیۆن دیناران دێ وەرگریت و مەزاختیێن رۆژا ڤەگوهاستنێ و شەهیانێ ژی ل سەر پارتینە، كەسێن مفادار ژی هەر لایەنەكێ سیاسی بن و بیروچوونەك هەبیت ئاساییە و دێ شێت داخوازیێ پێشكێش بكەت».
