ب فەرمی چێلسی بھایێ چوونا ھازاردی بۆ ریال مەدرید دیارکر
ئەڤرۆ نیوز:
ژێدەرێن رۆژنامەڤانی یێن وەلاتێ ئسپانیا بھایێ چوونا یاریزانێ بەلچیکی یێ یانا چێلسی ئیدن ھازارد بۆ یانا ریال مەدرید دەستنیشان کر ل ھاڤینا بھێت.
د ڤی چارچوڤەی دا رۆژناما ئاس دیارکریە سەروکێ یانا ریال مەدرید فلرونتینو پێرێز دەستا ژ ئینانا ستێرا چێلسی ھازاردی بەرنادەت پشتی چونا ستێرا پرتوگالی کرستیانو رونالدۆ بۆ یانا یوڤانتوس یا ئیتالی و ھەولێن وی ئەو بوون ل ڤەگوھاستێن زڤسانێ دا ڤی یاریزانی بەتە یانا مەلەکی لێ یانا چێلسی ب چو شێوا رازی نابیت ل سەر چوونا وی ژبەرکو نوکە یانا بلوز د چەندین قارەمانیا دا ھەڤرکیێ دکەت و پێدڤی ب شیانێن وی ھەیە لێ بۆ ھاڤینا بھێت وان یانا ریال مەدرید ئاگەھدارکریە ئەگەر بڤێت ھازاردی بۆ خوە بینن پێدڤیە کوژمێ ١٧٠ ملیۆن یورویان بدەنە یانا ئنگلیزی بەرامبەر دەستبەردانێ.