ب قاسا ڤالا باتیفا دێ راهێنه‌ره‌كی ده‌ست نیشان كه‌ت
ئه‌ڤرۆ، زاخۆ، عه‌لی حاجی:
د داخویانیه‌كێ دا سه‌رۆكێ یانا باتیڤا یا وه‌رزشی بۆ رۆژناما ئه‌ڤرۆ دیاركر هه‌رچه‌نده كۆژمه‌كێ پاره‌یی هاتیه ته‌رخانكرن لێ هه‌كه هاریكاریا وان نه هێته كرن دوورنینه خوه ڤه‌كێشن.
زێده‌تر ئه‌یهه‌م جامی گۆت: بڕیاره هه‌ر ژ ڤێ هه‌یڤێ وه‌كو هاریكاری ئیدارا سه‌ربه‌خۆیا زاخۆ هه‌یڤانه سێ ملیۆن دیناران بۆ یانێ پارڤه‌بكه‌ت دیسان دێ سپۆنسه‌ره‌ك ژی ل گه‌ل مه هه‌بیت، ئه‌و پاره‌یێ هاتیه ده‌ستنیشانكرن یێ كێمه كو تێرا وێ چه‌ندێ ناكه‌ت ئه‌م بشێن تیما خوه یا ته‌پا پێی پشكداری خولا پلا دو یا كوردستانێ بكه‌ین، سه‌رباری ڤێ یه‌كێ به‌رده‌وامین ل سه‌ر به‌رهه‌ڤیان بۆ وه‌رزێ نوو، ئاریشا مه‌زن هه‌تا نوكه ل راهێنه‌ره‌كی د گه‌ڕیێن كو ل دووڤ ره‌وشا مه بگۆنجیت و پاره‌كێ كێم تیمێ بڕێڤه‌ببه‌ت.
هه‌روه‌سان ناڤهاتی دیاركر ئه‌وا بتنێ گرێبه‌ستا گۆلپارێزه‌كی ئیمزاكریه و دهێته پێشبینیكرن ئه‌و یاریزانێن وه‌رزێ بوری بۆ تیمێ ڤه‌گه‌ریِێن بتنێ چاڤه‌ڕێ هاتنا راهێنه‌ره‌كی نه بۆ ده‌ستپێكرنا تاقیكرنان بۆ ئینانا یاریزانێن نوو و هه‌كه هاریكاری زێده‌تر هاته كرن دێ قۆناغێن باشتر بۆ ده‌ربازبوو به‌ر ب پلا ئێك ده‌ربازكه‌ین.
