ب كارتێن من بۆ دهنارتن ل گه‌ل كوڕه‌كێ دى د ئاخفت
گەنجەکێ ٢١ سالی دلێ خوە بۆ رۆژناما ئەڤرۆ ڤەدکەت و دبێژیت: ئەز ل بەر مارکێتەکێ کار دکەم من ژ رحا خوە پتر حەز ژ کچەکێ دکر بۆ ماوێ شەش ھەیڤا ئەو کچ ژی ٢٠ سالە و دخوینیت و من ئەڤین بەس یا د گەل وێ کری و گەلەک جارا من کارتێت موبایلێ بۆ دھنارتن بەلێ وێ کچێ خیاتەت ل من کر و د پشت من را حەز ژ کەسەکێ دیتر دکر و د گەل وی دئاخفت ب وان کارتا ئەوێن من بۆ دھنارتن ئانکو ل سەر حسابا من و ئەز ھێلام بەس ھەر شەڤ ئەز یێ د ھزرا وێ دا و ھەر حەز ژێ دکەم و من نەڤێت بھێتە ل سەر ھزرا من و ل بەر من سار بیت لێ نە ب منە ئەڤجا نزا چاوا خوە ژڤێ ئاریشێ قورتال کەم ھون چ دبێژن و ئەز چ بکەم ؟
گەنجێ ھێژا :
د ژیانێ دا مرۆڤ گەلەک وانا وەردگریت ب دو رێيا یا ئێکێ ب رەوشەنبیرکرنا خوە و پاشی شروڤەکرنا دیاردا ب شێوێ زانستی ل دووڤ دا بلندبوونا رێژا سەرکەفتنا کاری و یا دويێ مفا وەرگرتن ژ سەربؤرێن کەسانێن دی و وانە وەرگرتن ژ سەربۆرێن خوە، ئەڤجا باشترە بزانی هه‌كه تو یێ راست بی و جھێ باوەریێ بی کەسانێن دی ژی وەکو تەنە و بزانە ھەر ئێکی جورەکێ پەروەردێ یێ ھەيی ئەڤجا سەرەدەریێ د گەل خەلکی بکە ھەر ئێک ل دووڤ رەوشتێ وی و ب راستی تو یێ بچەنس بووی کو کەسێ بەرامبەری خوە بنیاسی و باش ھزرا خوە بکەيى کو ھەموو کار ژی دزانین چاوا نوکە دلێ تە ل دووڤ دایە.
دڤێت تو ڤان ھزرا نەکەيی کو وێ کەسێ تو یێ خاپاندی و یاری ب کەسایەتیا تە یا کری ئەڤجا تو گەنجی بمینە ل سەر خوە رێزێ ل خوه و کەسانێن دی بگرە و دەرگەھێن ژیانێ بۆ تە دڤەکرینە.
پۆ په‌يوه‌نديكرنێ ب گۆشا دلێ خوه ڤه‌كه په‌يوه‌نديێ ب ڤێ ژمارا تله‌فۆنێ بكه: 07503404123