ب كه‌ڤالێن خوه دێ به‌رهنگاریا هه‌ر نه‌خۆشیه‌كێ كه‌ت
شێخان، بارزان مزوری:
به‌یبون سلۆ، شێوه‌كاره‌كا كوردا ئێزدی یه، د دیداره‌كێ دا بۆ رۆژناما ئه‌ڤرۆ دبێژیت: پتریا كه‌ڤالێن ئه‌ز چێدكه‌م ل دۆر ئاشتیێ نه، ژبه‌ركو د ژیانا خوه دا بتنێ من حه‌ز ژ ئاشتیێ كریه، هه‌رچه‌نده ئه‌م ل ده‌ڤه‌ره‌كێ دژین كو جهێ پێكڤه ژیانێ یه، به‌لێ ئه‌م هه‌ر ده‌م پێدڤی ب وێ چه‌ندێ ینه كو زێده‌تر گرنگیێ ب ئاشتیێ بده‌ین.
هه‌روه‌سا گۆت: هه‌تا نوكه من هژماره‌كا زۆرا كه‌ڤالان چێكرینه و گه‌له‌ك جاران ژی ل دووف داخوازیان كه‌ڤالان چێدكه‌م، لێ مخابن هه‌تا نوكه ده‌لیڤه نه‌هاتیه كو پێشانگه‌هه‌كێ ڤه‌كه‌م و هه‌كه هاریكاری هه‌بیت دێ شێم زێده‌تر كاركه‌م و ب رێیا كه‌ڤالان خزمه‌تا هونه‌رێ كوردی كه‌م، هه‌روه‌سا دێ شێم ب رێیا كه‌ڤالان به‌رهنگاریا هه‌ر نه‌خۆشیه‌كێ كه‌م.
