ب كوژمێ 477 ملیون دیناران جادێن ئاكرێ دهێنه قێركرن
ئهڤرۆ، دووڤچوون:
سهرۆكێ باژێرڤانیا ئاكرێ ئاشكرا كر، ل ئاكرێ ب درێژاهیا 600 مهترێن چارگۆشه جادێن تاخێ رفایێ ب كوژمێ ئێك ملیار و 738 ملیون دیناران دهێنه كونكریتكرن و نوكه كار ل سهر تهمامكرنا پرۆژێ ناڤهاتی دهێتهكرن، ب ئاوایهكێ رێكخستی و ئهندازهیی ژ بۆ خزمهتكرنا وهلاتیێن دهڤهرێ.
بلند رزا زبێر، سهرۆكێ باژێرڤانیا ئاكرێ بۆ ئهڤرۆ دیار كر، پرۆژێ سهخبێركرن و رایێخستنا چهند جادێن نافخویی ل ئاكرێ ب قێرێ بایندهر ب كوژمێ 477 ملیون دهێته بجهكرن و ل ههر ئێك ل ڤان جهان ئهڤ كاره دهێته ئهنجامدان ” سایدێ هاتن و چوونێ یا جادا سهرهكی ئاكرێ دهوك، جادا خزمهتگوزاری ل ئازادی، جادێن ترافیكێن شۆرهش و ئاڤیستا، جادا سهرهكی ئاكرێ قهندیل، جادا خرگا بۆ باشقال، جادا كومهلگهها دارایی، تاخێ خهبات، جادا تاخێ سهرههلدان، جادا كانی مام كروكێ، جادا رهزا، میسكا”.
زێدهتر گۆت: ل سهر پلانا تایبهتا سالا 2022 یا پارێزگهها دهوكێ هژمارهكا پرۆژێن خزمهتگوزاری دێ هێنه ئهنجامدان، ئهڤ پرۆژه ب كوژمێ دوو ملیار و 132ملیون و 15 هزار و 920 دیناران دێ هێنه ئهنجامدان، ژ وان پرۆژه و خزمهتگوزاریان ژی، ڤهكرن و تێكهلهكرنا سایدهكێ جادا 40 متری ل بهرامبهر كولیژا پهروهردا ئاكرێ ههتا جادا ئالهرهشێ یا كهڤن، سهخبێركرن و قێركرنا جادێن دهڤهرا كارگههێن سڤك و وێستگهها ل بهرامبهر ترافیكا سوسنا نێزیك وێستگهها كارهبێ یا سهرهكی و كارگههێن ئار و بهفرێ.
ههروهسا سهخبێركرن و قێركرنا هژماركا جادان بۆ چهند قوتابخانا و مزگهفتا ل سنوورێ باژێرڤانیا ئاكرێ، ئهو ژی ژ ڤان جهان پێك دهێت، جادا قوتابخانا ئامادهیی و مزگهفتا خێلا ل تاخێ سوسنا، جادا مزگهفت و قوتابخانا گوندێ رهزوك، رێكا قوتابخانا زهلال و مزگهفتا شێخ ئهحمهد سورجی ل تاخێ رۆناهی، رێكا قوتابخانا تاخێ كوردستان. دیسان پرۆژێ گرێدانا گهرهكا شههیدان ( فهوجێ ) دگهل جووتسایدێ سهرهكی نێزیك هۆلا كونفرانسان.
