ب كۆژمێ 500 ملیۆن دیناران جاده‌یێن دێره‌لۆكێ دهێنه چێكرن
ئامێدیێ، مه‌حمود نهێلی:
ده‌ست ب چێكرنا هژماره‌كا جاده‌یێن سنوورێ باژێرڤانیا دێره‌لۆكێ هاتیه كرن و ب چێكرنا وان دێ ئاریشه‌یا هاتنوچوونێ د ناڤ تاخێن نوو یێن سه‌نته‌رێ ناحیا دێره‌لۆكێ دا هێته چاره‌سه‌كرن.
سامی ئوشانه، رێڤه‌به‌رێ ناحیا دێره‌لۆكێ بۆ رۆژناما ئه‌ڤرۆ دیار كر، ده‌ست ب چێكرنا هژماره‌كا جادێن ناڤخوه هاتیه كرن و كۆژمێ 500 ملیۆن دیناران بۆ هاتینه ته‌رخانكرن و گۆت: “ژ به‌ر خرابیا ره‌وشا جاده‌یێن ناڤخوه‌یی ب تایه‌به‌تی ژی جاده‌كا تاخێ داستان ل دێره‌لۆكێ گه‌له‌ك جاران ترۆمبێل تووشی روودانان دبوون و ئه‌ڤ یه‌كه ژی ببوو جهێ گازندا وه‌لاتیان”.
ناڤهاتی دیار كر، رازیبوون ل سه‌ر چێكرنا هژماره‌كا زۆرا جاددێن ناڤخوه‌یی ل سنوورێ باژێرڤانیا دێره‌لۆكێ هاتیه كرن كو پڕانیا وان ده‌ست پێ هاتیه كرن و ئێك ژ وان جاده‌یان ئه‌و بوویه یا ئاریشه ل سه‌ر و گۆت: “ب قووناغ ئه‌ڤ جادده دێ هێنه چێكرن هه‌تا كو هه‌موو جاددێن ناڤخوه ل سه‌نته‌رێ ناحیێ و هه‌روه‌سا گوندێن ده‌وروبه‌ران دهێنه چێكرن و قێركرن”.
