ب له‌زترين ترۆمبێل ل سه‌ر روويێ ئه‌ردى هاته به‌رهه‌مئينان
ئه‌ڤرۆ نيوز:
وه‌سان بڕياره گۆمپانيا لامبۆرگينى يا ئيتالى، ترۆمبێله‌كا نوو ب ناڤێ Aventador Superveloce Jota بێخيته ناڤ بازارێ، ئه‌ڤ ترۆمبێله دێ بيته ب هێزترين ترۆمبێل ژ جورێ V12 كو هه‌تا نوكه وێ كۆمپانيێ به‌رهه‌م ئينايه.
ئه‌ڤ ترۆمبێله گه‌له‌ك يا ب له‌زه و ب ره‌نگه‌كى دێ ژماره‌كا نوو يا پيڤايى يا كۆمپانيا خوه شكێنيت، راپۆرت به‌حس ل وێ چه‌ندێ ژى دكه‌ن كو دێ بيته ب له‌زترين ترۆمبێل سه‌ر روويێ ئه‌ردى.
ب گۆره‌يى پێگه‌هێ “ده‌يلى مه‌يل” يێ بريتانى ره‌نگێ كه‌سك ژ ڤێ ترۆمبێلێ هاتيه به‌رهه‌مئينان، بزوێنه‌رێ وێ ب هێزا 759 هه‌سايه، دشێت د ماوێ شه‌ش ده‌قيقان دا 12.8 ميلان ببڕيت.
ب وێ له‌زاتيا زێده، ترۆمبێلا لامبۆرگينى، دێ “پۆرش 911 جى تى” ل سه‌ر عه‌رشێ ب له‌زترين ترۆمبێل ل جيهانى لابه‌ت و هێته جهێ وێ پشتى ل حه‌فتيا مۆنتێرى يا ترۆمبێلان ل كاليفۆرنيا دهێته نمايشكرن.
ئه‌ڤێ ترۆمبێلێ پاتريه‌كا ب هێز يا هه‌يى كو شيانێن وێ 95 كيلۆ واتن د ده‌مژمێره‌كێ دا، سيسته‌مه‌كێ نوو ژى بۆ نووبوونێ دهێته بكارئينان بۆ باشتركرنا مه‌ودايێ وێ ل ده‌مێ لڤينێ دا، پاتريا وێ ژى د نێزيكى 15 ده‌قيقان دا ب ته‌مامى دهێته بارگاويكرن و دشێت بێ تێله بهێته بارگاويكرن.
چاڤه‌رێ دهێته كرن بهايێ ئه‌وێ ترۆمبێلێ ب كێمى 270 هزار جونه‌يێن ئه‌سترلينى بيت كو ب زمانێ بازارى دگه‌هيته نێزيكى 24 ده‌فته‌رێن دۆلارى، هه‌ر وه‌كو پێگه‌هێ وێ هه‌لسه‌نگاندى.