ب مەرجەكی دێ گرێبەستا خوە نوو كەت
چارەنڤیسێ ستێرێ ئسپانی و یانەیا ریال مەدرید ماركۆ ئەسێنسیۆ دگەل یانەیا وی دیار نینە و دبیت دڤێ حەفتیێ دا بڕیارا خوە ئێكلا بكەت.
رۆژناما ماركا یا ئسپانی دیار كر ل ئەینیا بۆری ئەسێنسیۆ دگەل رێڤەبەرێ گشتی یێ یانەیا ریال مەدرید خۆسێی ئانخێل سانچێز كۆمبوویە و گەنگەشە ل سەر نووكرنا گرێبەستا خوە كریە، یاریزانێ ناڤهاتی ئێك مەرج دانایە بەر سینگێ بەرپرسێ ریالێ ئەوژی دڤێت گرنگی ب شیانێن وی بهێتە دان و وەكو یاریزانێ سەرەكی یاریێ بكەت، بەرسڤا خۆسێی ئانخێلێ ئەوبوو كو مایتیكرنێ د كارێن هۆنەری یێن راهێنەر كارلۆ ئەنشلۆتی دا ناكەن لێ هەكە بابەت پارە بیت ئەو بەرهەڤن باشترین كۆژمە بۆ تەرخانبكەن، ئەڤچەندە بوو ئەگەرئەسێنسۆ رازی نەبوو و بڕیارا دڤێ حەفتیێ دا چارەنڤیسێ خوە دگەل ریال مەدرید ئێكلابكەت، شرۆڤەكارێن وەرزشی دیاركەت گرێبەستا خوە نوو ناكەت و دێ بەر ب پاریس سانجێرمان چیت.
