ب نوونه‌راتیا هه‌رێمێ هونه‌رمه‌ندێن دهۆكێ ل كه‌ركووكێ نه
دهۆك، سالار محه‌مه‌د دۆسكی:
هه‌رمان هاشم، به‌رپرسێ ناڤه‌ندا شانۆیێ ل سه‌ندیكا هونه‌رمه‌ندێن كوردستانێ/لقێ دهۆك، بۆ ئه‌ڤرۆ دیاركر كو شانۆگه‌ریه‌كا باژێرێ دهۆكێ ب نوونه‌راتیا هه‌رێما كوردستانێ ل كه‌ركووكێ مێهڤانه و ل ڤێ حه‌فتیێ دێ هێته نیشادان.
هه‌رمان، كو دهه‌مان ده‌مدا رێڤه‌به‌رێ هونه‌ری یه، گۆت: شانۆگه‌ریا مه ب ناڤێ (هۆشێن ته‌رمه‌كی) یه، دێ پشكداریێ دگه‌ڕا سێیێ یا شانۆگه‌ریێن كوردی دا كه‌ت ل باژێرێ كه‌ركووكی، چه‌ند شانۆگه‌ریێن دی ژی دپشكدارن،
سه‌رحان ئه‌حمه‌د، ده‌رهێنه‌رێ وێ شانۆگه‌ریێ گۆت: ئه‌ڤ شانۆگه‌ریه به‌رهه‌مێ كۆمه‌كا ده‌رچۆیێن په‌یمانگه‌ها هونه‌رێن جوانه، ژ نڤیسینا نڤیسه‌رێ فره‌نسی (هێرڤی بلۆشه) ئه‌كته‌رێن پشكدار( سه‌ردار عه‌لی، دارا ئدریس، رێناس سالح، سفیان حسنی) نه، ژبه‌رهه‌مێ سه‌ندیكا هونه‌رمه‌ندانه/ لقێ دهۆك.
