ب هاریكاریا قونسلخانا وهلاتێ چیك هولا زارۆكبوونێ ل ئامێدیێ هاته ڤهكرن
ئامێدیێ، مهحمود نهێلی:
ب ئامادهبوونا قونسولێ گشی یێ كۆمارا چیك و رێڤهبهرێ گشتی یا ساخلهمیا دهۆكێ و ههژمارهكا رێڤهبهر و بهرپرسێن دام و دهزگههێن میری هولا زارۆكبوونێ ل نهخۆشخانا ههڤالبهندا زارۆكی ل ئامێدیێ هاته ڤهكرن.
د پهیڤهكێ دا وارشین سهلمان، دهڤهردارێ ئامێدیێ دیار كر، ڤهكرنا هولا زارۆكبوونێ و چاڤدێریا چر یا زاۆیان ل ئامێدیێ گهلهكا گرنگه و گۆت: “ب سوپاسی ڤه ئهڤه جارا دویێ یه قونسولێ گشتێ یێ كۆمارا چیك سهرهدانا دهڤهرا ئامێدیێ دكهت و هاریكاریا كهرتێ ساخلهمیێ ل ڤێ دهڤهرێ دكهت”.
كارێل كورتانێك قونسولێ گشتی یێ كۆمارا چیك دیار كر، ئهو پێخوهشحال بوویه ب هاریكاریكرنا كهرتێ ساخلهمیێ و گۆت: “ل سالا بۆری ئهم شیاین هندهك كهرهسته و پێدڤیاتێن ساخلهمیێ بۆ ڤێ نهخۆشخانێ و ب تایبهت هولا زارۆكبوونێ دابین بكهین، ئهڤ ساله ژی پشتی ب تمامی هاتیه نووژهنكرن ئهو پێدڤیاتێن مایی هاتنه دابینكرن بۆ هولا زارۆكبوونێ و چاڤدێریا چر یا زارۆیان”.
دكتور ئهڤرا سیاب دیار كر، وان وهك رێڤهبهریا ساخلهمیا پارێزگهها دهۆكێ ئاریشهیا نهبوون و كێمیا ستافی یه و گۆت: “ئهڤه ژ سالا 2014 وهره چو ستافهك بۆ مه نههاتیه دامهزراندن، مه پڕۆژه یێن ههین، لێ ژ بهر نهبوونا ستافی ئهم نهشیاینه ڤهكهین وهكو پشكا تهنگاڤیان ل نهخۆشخانا ئازادی”.
